Kwamamaza

Irushanwa rya AS Kigali ryatumye Shampiyona ya Congo isubikwa

Yanditswe kuya 4-09-2016 saa 17:09' na Manzi Rema Jules


Irushanwa ribanziriza amashampiyona y’u Rwanda na Congo ryateguwe na AS Kigali ifatanyije n’umujyi wa Kigali, ryatumye shampiyona y’umupira w’amaguru muri Congo Kinshasa yigizwa inyuma kugira ngo amakipe ya AS Vita Club na Dauphins Noirs zemeye kuzaryitabira zitazabangamirwa.

Iri rushanwa riteganyijwe gutangira tariki 6 Nzeli 2016, rizitabirwa n’amakipe umunani arimo atanu yabaye aya mbere muri shampiyona y’umwaka ushize mu Rwanda n’atatu yo muri Congo Kinshasa ariyo AS Vita Club, Sanga Balende na Dauphins Noirs.

Mu munsi ishize byari byatangajwe ko aya makipe yo muri Congo ashobora kutaboneka muri iri rushanwa rizatwara arenga miliyoni 100 z’amafaranga y’u Rwanda bitewe n’uko shampiyona yo muri icyo gihugu yari iteganyijwe gutangira tariki 10 Nzeri 2016.

Umuyobozi (Team manager) wa AS Kigali, Nshimiye Joseph yatangaje ko nyuma y’ibiganiro iyi kipe yagiranye n’ishyirahamwe ry’umupira w’amaguru muri Congo (FECOFOOT), ngo bemeye kwegeza inyuma shampiyona ikazatangira tariki 20 Nzeri.

Nshimiye yagize ati “Mu mubano mwiza dufitanye n’abavandimwe bo muri Congo Kinshasa twaraganiriye dusaba ko badufasha itariki shampiyona yari kuzatangiriraho ikigizwa inyuma, barabyemera ishyirwa kuri 20 Nzeri aho kuba ku 10 Nzeri nk’uko bari babitangaje.”

Nshimiye avuga ko kuba ikipe ya Daring club Motema Pembe itakitabiriye iri rushanwa ngo byatewe n’uko FECOFOOT yari yamaze gutangaza itariki shampiyona yari gutangiriraho maze yo ihitamo kuyitegura iwabo. Naho iri shyirahamwe ryemereye kwigiza inyuma itariki, ngo byakozwe bitinze ku buryo iyo kipe itari kubona uko ihita yongera gutegura kuza muri iri rushanwa, gusa ngo ubutaha izaza.

Iri rushanwa rigiye kuba ku nshuro ya mbere ariko ngo rizaba ngarukamwaka ndetse rikazajya ryitabirwa n’amakipe ya mbere mu bihugu byo mu Karere.

Amafaranga asaga miliyoni 100 z’amafaranga y’u Rwanda azaritangwaho, ngo azava mu baterankunga batandukanye ndetse n’umujyi wa Kigali uzatangamo hafi ½ .

Ikipe izegukana iri rushanwa, izahabwa miliyoni eshanu z’amafaranga y’u Rwanda, iya kabiri ihabwe eshatu mu gihe iya gatatu ezatahana miliyoni ebyiri. Umukinnyi uzahiga abandi azahabwa ibihumbi 300, mu gihe uzatsinda ibitego byinshi azahabwa ibihumbi 200.

Imikino y’iri rushanwa izabera kuri stade enye zirimo stade ya Kigali i Nyamirambo, Stade Amahoro, Stade Umuganda y’i Rubavu, na Sitade ya Huye, kwinjira aho ibera bikazajya bisaba amafaranga y’u Rwanda 5000, 3000 na 2000.

Uko amatsinda ateye n’uko imikino izaba

Itsinda A: AS Kigali, APR FC, Dauphin Noir na AS Vita

Itsinda B: Rayon Sports, Mukura Victory Sports, Sanga Balende na Police Fc

Imikino y’amatsinda

6 Nzeri 2016

AS Kigali vs AS Vita (Stade de Kigali, 15:30)

Sanga Balende vs Mukura VS (Stade de Kigali, 18:00)

7 Nzeri 2016

APR Fc vs Dauphin Noir (Stade de Kigali, 15:30)

Rayon Sports vs Police Fc (Stade de Kigali, 18:00)

9 Nzeri 2016

AS Kigali vs Dauphin Noir (Stade de Kigali, 15:30)

Sanga Balende vs Rayon Sports (Stade de Kigali, 18:00)

10 Nzeri 2016

Mukura VS vs Police Fc (Stade de Kigali, 15:30)

AS Vita vs APR Fc (Stade de Kigali, 18:00)

12 Nzeri 2016

AS Vita vs Dauphin Noir (Stade Umuganda, 15:30)

Mukura VS vs Rayon Sports (Stade de Huye, 15:30)

Police FC vs Sanga Balende (Stade de Kigali, 15:30)

Nshimiye Joseph (iburyo) ukuriye komite y’itumanaho na Martin Ruvugabigwi ukuriye komite yo gutegura iri rushanwa

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 September 2016
Copyright © 2009 -2014 - IGIHE Ltd - All Rights Reserved