Iranzi Jean Claude yasezeranye imbere y’amategeko

Yanditswe na Ishimwe Israel
Kuya 22 Ukwakira 2016 saa 12:43
Yasuwe :
0 0

Iranzi Jean Claude ukinira MFK Topvar Topolcany yo mu cyiciro cya gatatu muri Slovakia, yasezeranye imbere y’amategeko n’umukunzi we, Uwera Aline bamaze igihe kirekire bakundana.

Uyu muhango wabereye mu Murenge wa Kimihurura kuri uyu wa Gatanu, tariki ya 21 Ukwakira 2016 witabiriwe n’abantu batandukanye barimo abakinnyi b’umupira w’amaguru mu Rwanda ndetse n’abayobozi batandukanye barimo n’Umunyamabanga Mukuru wa APR FCV, Kalisa Adolphe Camarade.

Iranzi asezeranye nyuma yuko mu minsi ishize, hatangajwe inkuru ivuga ko habayeho amakosa mu byangombwa bye bigatuma agaruka mu Rwanda igitaraganya ariko yarabihakanye avuga ko yari aje gutegura ubukwe bwe.

Uyu mukinnyi mpuzamahanga ukinira ikipe y’Igihugu, Amavubi, yamenyekanye cyane akinira APR FC, yamazemo imyaka umunani ndetse akanayibera Kapiteni mbere yuko yerekeza muri Slovakia muri uyu mwaka.

Iranzi Jean Claude n'Uwera Aline basezeranye imbere y'amategeko
Byari ibyishimo bikomeye kuri Iranzi n'umukunzi we Uwera Aline
Iranzi Jean Claude, Umunyamabanga Mukuru wa APR FC, Kalisa Adolphe, n'Uwera Aline bavuye gusezerana mu Murenge wa Kimihurura
Iranzi Jean Claude n'Uwera Aline bamaze igihe kirekire mu rukundo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza