Kwamamaza

Infantino arifuza ko igikombe cy’Isi cya 2026 kizitabirwa n’ibihugu 48

Yanditswe kuya 4-10-2016 saa 17:53' na Manzi Rema Jules


Perezida w’Ishyirahamwe ry’umupira w’amaguru ku Isi, FIFA, Gianni Infantino yatangaje ko afite igitekerezo cyo kongera umubare w’amakipe y’ibihugu yitabira imikino ya nyuma y’igikombe cy’Isi akava kuri 32 akaba 48 muri 2026.

Mu kwiyamamaza kwe muri Mutarama uyu mwaka, Infantino yari yasezeranyije abakunzi b’umupira w’amaguru ko azongera umubare w’ibihugu byitabira igikombe cy’Isi bikava kuri 32 bikagera kuri 40 by’umwihariko muri iyi gahunda ye akaba yarateganyaga kongerera Afurika ibihugu bibiri ikava kuri bitanu ikajya yohereza birindwi.

Uyu Mutaliyani w’imyaka 46 ufite n’ubwenegihugu bw’u Busuwisi, yavuze ko ku makipe 40 yari yavuze mbere ashaka kongeraho andi umunani nkuko BBC dukesha iyi nkuru yabitangaje.

Ibi bizatuma mbere yo kujya mu matsinda hazajya habanza kubaho umukino wo gukuranamo uzajya usiga amakipe 16 asezerewe hagasigara 32 ariko umwanzuro kuri iki cyifuzo uzafatwa n’akanama ngishwanama ka Fifa muri Mutarama umwaka utaha.

Ati “Ibi ni ibyifuzo kugira ngo dushake igisubizo kiboneye, tuzabiganiraho muri uku kwezi ariko tuzaba twamaze gufata umwanzuro mu ntangiriro za 2017. Ni ibitekerezo twatanze ariko tugomba kureba icyiza kurushaho.”

Infantino wari mu Rwanda mu bikorwa byo gushaka amajwi muri Mutarama ubwo haberaga imikino y’igikombe cy’Afurika gihuza abakinnyi b’imbere mu bihugu byabo, CHAN yatorewe kuyobora FIFA muri Gashyantare asimbuye Umusuwisi Sepp Blatter weguye nyuma yo kuregwa uruhare mu byaha bya ruswa.

Infantino avuga ko imikino yo mu matsinda izakomeza gukinwa n’amakipe 32 nkuko bisanzwe ariko amakipe 48 yose yabanje kugera mu gihugu cyatoranijwe kwakira irushanwa. Ibihugu 16 bizajya bisezererwa nyuma y’umukino umwe w’ijonjora ry’ibanze.

Ikigenderewe nk’uko abivuga ni ukurushaho kugira igikombe cy’Isi umuyoboro w’ubusabane dore ko ari byo birori bihuza imbaga muri ruhago kurusha ibindi bityo.

Perezida wa FIFA, Gianni Infantino yasabye ko umubare w’amakipe y’ibihugu byitabira igikombe cy’Isi wava kuri 32 ukaba 48

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 1 Ugushyingo 2016
Copyright © 2009 -2014 - IGIHE Ltd - All Rights Reserved