00:00:00 IGIHE NETWORK KN KINYARWANDA EN ENGLISH FR FRANCAIS

Ibyo wamenya ku mukino wa nyuma wa Coppa Italia werekanwa kuri StarTimes

Yanditswe na Bukuru JC
Kuya 19 Gicurasi 2021 saa 12:56
Yasuwe :
0 0

Umukino wa nyuma w’igikombe cy’Igihugu mu Butaliyani ‘Coppa Italia’ uteganyijwe kuri uyu wa Gatatu tariki ya 19 Gicurasi, aho uhuza Juventus na Atalanta guhera saa tatu z’ijoro.

Juventus ishobora kwisanga muri Europa League muri uyu mwaka, ifite akazi gakomeye ko kwikura imbere ya Atalanta yabonye itike yo gukina UEFA Champions League ku nshuro ya gatatu yikurikiranya.

Ubwo Juventus yaherukaga gusoza umwaka idatwaye igikombe na kimwe, ni mu 2011. Kuva icyo gihe, yatwaye Shampiyona inshuro icyenda zikurikiranya, inongeraho ibikombe bike bya Coppa Italia.

Gusa, muri uyu mwaka biratandukanye. Igikombe cya Shampiyona y’u Butaliyani cyatakajwe hakiri kare ndetse inasezererwa mu marushanwa y’u Burayi itsinzwe na FC Porto.

Kuri uyu wa Gatatu, abakunzi ba Juventus baraba bizeye ko ikipe yabo ishobora gusoza umwaka hari igikombe ishyize mu kabati mu gihe yatsinda Atalanta mu mukino ubera kuri Mapei Stadium – Città del Tricolore.

Amakipe yombi arajya muri uyu mukino aheruka kwitwara neza. Juventus iheruka gutsinda Inter Milan ibitego 3-2 mu gihe Atalanta yatsinze Genoa ibitego 4-3.

Andrea Pirlo watangiye gutoza Juventus mu mwaka ushize, ategerejweho gutwara igikombe cye cya mbere gikomeye nyuma yo kwegukana Super Coppa muri Mutarama uyu mwaka.

Gutsinda kwa Juventus bifite kinini bivuze kuri Cristiano Ronaldo waba ugeze ku bihe nk’ibyo yagize muri Espagne no mu Bwongereza, aho yatwaye ibikombe bya Shampiyona n’iby’amarushanwa muri Real Madrid na Manchester United.

Uyu munya-Portugal si we mukinnyi ukomeye gusa uhanzwe amaso kuri uyu mugoroba, kuko hari abandi nka myugariro Danilo n’abakinnyi basatira barimo Federico Chiesa, Paulo Dybala and Álvaro Morata.

Uyu mukino ushobora kuba uwa nyuma ku munyezamu Gianluigi Buffon w’imyaka 43, wamaze gutangaza ko azava muri Juventus ku mpera z’uyu mwaka w’imikino, ni nyuma yo kuyigeramo mu 2001, ariko hakaba hari umwaka umwe yakinnye mu Bufaransa.

Umutoza Pirlo urushwa imyaka ibiri na Buffon, amaze iminsi akoresha uyu munyezamu umenyereye muri iri rushanwa ndetse nta gushindikanya ko ari na we abanza mu kibuga kuri uyu mukino wa nyuma.

Mu gihe Juventus imaze gutwara Coppa Italia inshuro 13, Atalanta iramutse itsinze kuri uyu wa Gatatu, byaba ari inshuro ya kabiri yegukanye iri rushanwa kuva mu 1963 ubwo yaritwaraga bwa mbere.

Gian Piero watangiye gutoza Atalanta mu 2016, yari yayigejeje ku mukino wa nyuma mu 2019, ariko atsindwa na Lazio ibitego 2-0.

Nk’uko bimeze ku bafana bari mu bice byose by’Isi, abakunzi b’umupira w’amaguru muri Afurika barareba uyu mukino uri kuba ku mashene ya StarTimes gusa nk’ikigo rukumbi gifite uburenganzira bwo kwerekana iri rushanwa.

Mu kwezi gutaha, StarTimes izerekana kandi igikombe cy’u Burayi (UEFA Euro 2020), imikino yose uko ari 51 iri kuba mu mashusho meza ya HD.

StarTimes irerekana umukino wa nyuma wa Coppa Italia kuri uyu wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .