Ibirori bya ruhago StarTimes ihishiye abafatabuguzi bayo muri Gashyantare

Yanditswe na IGIHE
Kuya 5 Gashyantare 2021 saa 09:21
Yasuwe :
0 0

Ukwezi kwa Mutarama 2021 kwararangiye ariko ibirori by’umupira w’amaguru ntibyahagaze kuri StarTimes.

Abakoresha ifatabuguzi rya StarTimes bafite amahirwe yo gukomeza kuryoherwa n’ibihe bidasanzwe by’umupira w’amaguru guhera muri Afurika kugera i Burayi.

Ibi ni bimwe mu bikorwa bizatambuka ku mashene ya siporo ya StarTimes mu mashusho meza ya HD.

  • Shampiyona Nyafurika y’Abakinnyi bakina imbere mu bihugu byabo (CHAN 2020) izasozwa mu mpera z’iki cyumweru muri Cameroun, aho Mali izisobanura na Maroc tariki ya 7 Gashyantare mu gihe Guinea na Cameroun zizahatanira umwanya wa gatatu.
  • Irushanwa rya Coppa Italia rigeze muri ½. Juventus yasuye Inter Milan iyitsinda iwayo ibitego 2-1 tariki ya 2 Gashyantare, ariko amakipe yombi azongera guhura mu cyumweru gitaha, tariki ya 9 Gashyantare 2021 mu mukino wo kwishyura.

Muri ¼, Inter Milan yari yasezereye Milan AC mu gihe Juventus ikinamo Cristiano Ronaldo yari yasezereye Spal yo mu Cyiciro cya Kabiri. Undi mukino wo kwishyura muri ½ uteganyijwe tariki ya 10 Gashyantare hagati na Napoli na Atalanta, zombi zanganyije ubusa ku busa mu mukino ubanza.

  • Mu Bwongereza, mu irushanwa rya FA Cup, Arsenal ifite igikombe giheruka yasezerewe na Southampton mu ijonjora rya kane mu gihe Manchester United yakuyemo Liverpool ku bitego 3-2.

Ijonjora rya gatanu rizatangira ku wa 9 Gashyantare, Manchester United ikina na West Ham United mu rugo mu gihe rizarangira tariki ya 11 Gashyantare ubwo Chelsea izaba yasuye Barnsley. Hagati aho, Tottenham izasura Everton mu gihe Manchester City izahura na Swansea City.

Iminsi mike nyuma yaho, ku wa 14 Gashyantare, Valence izasura Real Madrid mu mukino utegerejwe na benshi wa Shampiyona y’Icyiciro cya Mbere muri Espagne, La Liga.

Mu gusoza uku kwezi, ku wa 28 Gashyantare, Seville izahura na FC Barcelone, Real Madrid ikine na Real Sociedad mu gihe Villarreal izahura na Atlético Madrid. Barcelone yafashe Real Madrid nyuma yo gutsinda imikino itanu iheruka ndetse zombi zikomeje kwiruka inyuma ya Atlético Madrid.

  • Muri Copa del Rey, kimwe cya kane cyakinwe hagati ya tariki ya 2 n’iya 4 Gashyantare mu gihe ½ kizakinwa mu cyumweru gitaha, aho Seville izakina na FC Barcelone tariki ya 10 Gashyantare naho Athletic Club ikine na Levante tariki ya 11 Gashyantare, mu mikino ibanza.

Nyuma yo gusoza amatsinda ya Europa League mu mwaka w’imikino wa 2020/21, kuri ubu hagezweho imikino yo gukuranwamo, aho hazakinwa 1/16 guhera tariki ya 18 Gashyantare.

Imikino itegerejwe irimo uzahuza Real Sociedad na Manchester United, uwa Benfica na Arsenal, Tottenham na Wolfsburg ndetse na Milan AC izakina na Crvena Zvezda.

Muri uku kwezi kandi hakomeje Shampiyona y’Icyiciro cya Mbere mu Budage, Bundesliga, ahateganyijwe Ruhr Derby izahuza Schalke 04 na Borussia Dortmund ku wa 20 Gashyantare. Kuri uwo munsi, Bayern Munich izaba yasuye Frankfurt mu gihe nyuma y’icyumweru kimwe, RB Leipzig izahura na Borussia Mönchengladbach.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .