Ibigugu 16 bizavamo ikipe imwe izahura na Rayon Sports mbere yo kujya mu matsinda

Yanditswe na Manzi Rema Jules
Kuya 20 Werurwe 2017 saa 09:10
Yasuwe :
0 0

Rayon Sports ihagarariye u Rwanda mu mikino ya CAF Confederation Cup ihuza amakipe yatwaye ibikombe by’ibihugu iwayo, kugira ngo igane mu matsinda nk’intego nyamukuru yihaye uyu mwaka, iracyafite inzira y’inzitane igomba kunyuramo isezerera imwe mu makipe 16 yatsinzwe muri CAF Champions League.

Iyi kipe y’umutoza Masoudi Djuma yabonye itike yo kujya mu majonjora ya nyuma isezereye AS Onze Créateurs de Niaréla yo muri Mali badakinnye umukino wo kwishyura; nyuma y’ibihano byo guhagarikwa mu mikino mpuzamahanga FIFA yafatiye iki gihugu bitewe n’uko ubuyobozi bwacyo bwivanze mu miyoborere y’umupira w’amaguru, bifatwa nk’ikizira mu miyoborere y’uru rwego.

Nubwo byayongereye amahirwe no gukomeza kwizera ko uyu mwaka ishobora kwandika amateka atarakorwa n’indi kipe yo mu Rwagasabo, Rayon Sports iracyafite akazi katoroshye. Mbere yo kugana mu matsinda amakipe 16 yakomeje muri CAF Confederation Cup azatomborana na 16 yasezerewe muri CAF Champions League, bishakamo umunani agomba gukomeza.

Mu bigugu biri mu nzira ya Rayon Sports muri iki cyiciro harimo TP Mazembe yo muri Congo Kinshasa ifite iki gikombe giheruka, Young Africans yo muri Tanzania, FUS Rabat yo muri Maroc, Bidvest Wits yo muri Afurika y’Epfo n’andi akomeye kandi afite amateka kuri uyu mugabane.

Tombora nimara kuba, imikino ibanza izaba hagati ya tariki 07- 9 Mata, iyo kwishyura ibe nyuma y’icyumweru hagati ya tariki 14-16 Mata 2017.

Gusa aya matariki ashobora guhinduka kuri Rayon Sports kubera azahurirana n’icyumweru cyo kwibuka Jenoside yakorewe Abatutsi kizatangira tariki 07 Mata kugeza kuri 13 Mata.

Amakipe 16 azavamo imwe izahura na Rayon Sports

TP Mazembe (Congo Kinshasa), Young Africans (Tanzania), AS Port-Louis 2000 (Ibirwa bya Maurice), Enugu Rangers (Nigeria), FUS Rabat (Maroc), Gambia Ports Authority (Gambia), Rivers United (Nigeria), CNAPS Sport (Madagascar), Mounana (Gabon), Athlétic Club Léopards de Dolisi (Congo Brazzaville), RC Kadiogo (Burkinafaso), KCCA (Uganda), AS Tanda(Côte d’Ivoire), Horoya (Guinea), Barrack Young Controllers (Liberia), Bidvest Wits (Afurika y’Epfo)

Rayon Sports iracyafite akazi gakomeye kugira ngo yandike amateka mashya igere mu mikino y'amatsinda muri CAF Confederation Cup

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza