Batatu mu banywa Heinken mu Rwanda bazajya kureba isozwa rya Champions League

Yanditswe na IGIHE
Kuya 3 Gicurasi 2017 saa 11:55
Yasuwe :
0 0

Abanyamahirwe batatu banywa inzoga ya Heineken bashyiriweho uburyo bashobora gutsindira kujya kureba umukino wa nyuma wa UEFA Champions League ku mugabane w’i Burayi.

Iki gikorwa cyatangiye ku wa 30 Mata 2017 kizamara icyumweru mbere yuko abanyamahirwe bazegukana amatike bamenyekana.

Ni amahirwe yashyiriweho abakunzi ba Heineken baserukira mu tubari turimo aka Pili-Pili gaherereye i Kibagabaga, Sundowner, Plus 250 Bar & Restaurant, muri Car Wash, Ogopogo, Papyrus, Dolce, Fushia na +250.

Umuntu unywa Heineken muri utwo tubari, yuzuza ibisabwa ku rupapuro rwabugenewe ahabwa amaze gutumiza ebyiri, akarwuzuza akarutanga ahakirirwa abakiriya.

Abanyamahirwe batatu bazatoranywa mu bazuzuza ibisabwa, bazakurikirana umukino wa nyuma wa UEFA Champions League mu bwato bw’akataraboneka i Athènes mu Murwa Mukuru w’u Bugereki.

Biteganyijwe ko umukino ubanza w’amakipe yageze muri kimwe cya kabiri uhuza Real Madrid na Atletico Madrid uba kuri uyu wa 2 Gicurasi ku kibuga cya Santiago Bernabeu. Juventus yo mu Butaliyani yo ku munsi w’ejo izakirwa na AS Monaco yo mu Bufaransa.

Imikino yo kwishyura izahuza aya makipe iteganyijwe kuba tariki ya 9 n’iya 10 Gicurasi ari nabwo hazamenyekana amakipe abiri azahurira ku mukino wa nyuma uzaba kuya 3 Kamena 2017. Uyu mukino uzabera kuri Millennium Stadium yakira abantu 74 500 iherereye mu Mujyi wa Cardiff muri Pays de Galles /Wales.

Ubwo Heineken yifatanyaga n'Abanyarwanda gusoza champions League kuri Petit Stade i Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza