00:00:00 IGIHE NETWORK KN KINYARWANDA EN ENGLISH FR FRANCAIS

Haringingo watozaga Police FC yasimbuye Ndayiragije Etienne muri Kiyovu

Yanditswe na Habimana Sadi
Kuya 8 Nyakanga 2021 saa 04:33
Yasuwe :
0 0

Uwari umutoza mukuru w’ikipe y’Abashinzwe umutekano, Police FC, Haringingo Francis Christian yerekeje muri Kiyovu Sports yatozwaga na Ndayiragije Étienne wamaze gutandukana n’iyi kipe.

Haringingo yasinyiye Kiyovu amasezerano y’umwaka umwe uzarangirana n’umwaka w’imikino 2021-2022. Kugeza ubu ntacyo Ubuyobozi bwa Kiyovu Sports buravuga kuri aya makuru.

Uyu mutoza yemereye IGIHE ko aya makuru ari ukuri yamaze gusinyira iyi kipe.

Ati “Nibyo. Namaze gusinya amasezerano y’umwaka umwe muri Kiyovu Sports.”

Haringingo Francis yari amaze imyaka ibiri muri Police FC, aho ku mwaka we wa mbere yagejeje iyi kipe ku mwanya wa gatatu, ku mwaka we wa kabiri yahagaritswe habura imikino ibiri ngo shampiyona irangire ariko iyi kipe yasoreje ku mwanya wa kane.

Mu 2018 uyu mutoza ari kumwe na Mukura Victory Sports et Loisirs. Yegukanye igikombe cy’Amahoro atsinze Rayon Sports FC ku mukino wa nyuma biciye muri penaliti.

Muri iyi kipe yo ku Mumena arasabwa kubyaza umusaruro abakinnyi beza iyi kipe ifite, akegukana kimwe mu bikombe bikinirwa mu Rwanda (icya shampiyona n’icy’Amahoro).

Haringingo Francis yamaze kwerekeza muri Kiyovu Sports mu gihe cy'umwaka umwe uri imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .