00:00:00 IGIHE NETWORK KN KINYARWANDA EN ENGLISH FR FRANCAIS

Gakumba yavuze akayabo k’amafaranga yakuye kuri Kagere Meddie

Yanditswe na Habimana Sadi
Kuya 10 Kamena 2021 saa 11:57
Yasuwe :
0 0

Umugabo ukora akazi ko guhagararira inyungu z’abakinnyi, Gakumba Patrick uzwi nka Super Manager, nyuma yo gutandukana na rutahizamu wa Simba SC, Meddie Kagere, yatangaje ko kureberera inyungu uyu rutahizamu byamwinjirije miliyoni 35 Frw.

Kuva mu 2017, nibwo hatangiye kuvugwa amakuru y’uko Gakumba Patrick uzwi nka Super Manager ari we uhagarariye inyungu za rutahizamu w’Ikipe y’Igihugu y’u Rwanda, Amavubi na Simba SC, Meddie Kagere.

Amasezerano impande zombi zari zifitanye, yarangiye tariki ya 5 Kamena 2021 nk’uko Gakumba yabyemereye IGIHE mu kiganiro baherutse kugirana.

Nyuma yo gutandukana kw’aba bagabo, havuzwe byinshi birimo ko bamwe bavugaga ko Gakumba yaba yariyitiriye Kagere mu gihe abandi bahamya ko ahubwo ari we wamukuye muri Gor Mahia akamujyana muri Simba SC yo muri Tanzania.

Aganira na IGIHE, Gakumba Patrick yavuze ko ashimira cyane Meddie Kagere kuko yamuzamuriye izina kugera aho amukuyeho amafaranga menshi yamufashije mu buzima bwe.

Ati “Ndashimira cyane Kagere Meddie kuko yambereye mwiza. Mu gihe twamaranye ni umugabo wanyeretse ko akunda akazi ke. Ni umugabo wiyubaha. Yanzamuriye izina, ndetse ndamushimira kuko namukuyeho ibihumbi 35$.“

Gusa nubwo Gakumba ashimira Kagere, anahamya ko yatumye uyu rutahizamu yumva uburyohe bw’umupira w’amaguru kuko yubatse inzu bwa mbere ubwo yari ageze muri Simba SC.

Gakumba yatangiye gukorana na Kagere ubwo yamuvanaga muri Gor Mahia amujyanye muri Simba SC
Uko Kagere yasinyaga amasezerano, ninako Gakumba Patrick yabonaga ku mafaranga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .