Kwamamaza

Ferwafa:Latifah yagizwe umunyamabanga,ikipe izatwara shampiyona igenerwa miliyoni 42

Yanditswe kuya 18-09-2016 saa 21:20' na Jah d'eau DUKUZE


Inteko rusange idasanzwe ya Ferwafa, yemeje ko Uwamahoro Latifah Tharcille agirwa Umunyamabanga Mushya wa Ferwafa asimbuye kuri uwo mwanya Me Mulindahabi Olivier warangije gusezererwa nubwo yarangije igihano yari yakatiwe n’inkiko.

Uyu, ni umwe mu myanzuro itandukanye yafatiwe mu nteko rusange yaberaga i Musanze kuva kuri uyu wa Gatandatu, ahigiwemo by’umwihariko gahunda nshya za shampiyona ya 2016-2017.

Inteko rusange ya Ferwafa yasojwe kuri iki cyumweru

Ku kijyanye n’intangiriro za shampiyona nkuko IGIHE yaraye ibyanditse na mbere y’uko iyi myanzuro ijya hanze, izatangira tariki ya 14/10/2016, aho ibijyanye na gahunda zayo nyazo bizamenyekana ubwo akanama kashyizweho kazaba kamaze gusura ibibuga bitandukanye, ngo harebwe niba koko bifite ubushobozi bwo kwakira iyi mikino.

Aka kanama kagiye gusura uturere dutandukanye, kagizwe na John Ntwali (La Jeunesse), Aaron Rurangira (Abasifuzi-Ferwafa), Sekibibi Jean de Dieu (Kiyovu), Alexis Nshimiyimana (Miroplast) na Kayiranga Albert usanzwe ari Visi Perezida wa Ferwafa.

Inteko rusange kandi, yemeje ko amafaranga yahabwaga amakipe aturutse ku muterankunga aziyongera, aho buri kipe muri 16 azitabira shampiyona izabona miliyoni 10 ku ikubitiro. Hejuru y’ibyo, aya mafaranga aziyongeraho miliyoni ebyiri ku makipe yaje ku myanya umunani ya mbere, yiyongereho miliyoni enye ku makipe yaje mu myanya ine ya mbere ndetse na miliyoni zirindwi ku makipe yaje mu myanya ibiri ya mbere na 25 ku yegukanye igikombe

Ibi bivuze ko ikipe yabaye iya mbere izabona miliyoni 42(42 000 000Frw) iya kabiri ibone miliyoni 17(17 000 000Frw) iya gatatu n’iya kane zibone miliyoni 14 (14 000 000) mu gihe iya gatanu kugeza ku ya munani zo zizabona miliyoni 12 na ho izindi zisigaye zibone miliyoni 10 gusa.

Ku bijyanye n’Umunyamabanga mushya Uwamahoro Latifah Tharcille utazwi cyane mu bijyanye na ruhago, Perezida wa Ferwafa yatangaje ko bamutoranyije kubera ubundi buhanga afite hanze y’umupira w’amaguru.

Uwamahoro Latifah Tharcille ni we munyamabanga mushya wa Ferwafa

Perezida De Gaulle avuga ku munyamabanga mushya yagize ati“Hari uburyo bubiri bwo gutoranya umunyamabanga nk’uko FIFA ibitwemerera. Hari ugutanga itangazo abantu bagahatana cyangwa se ukaba wahitamo mu bo usanzwe uzi”.

“Twe rero kuko twari tumukeneye byihutirwa twahisemo uburyo bwa kabiri kandi inteko rusange yamwemeje. Nta mateka menshi afite muri ruhago uretse kuba yarakinnye umupira akiri mu mashuri abanza, gusa afite ubuhanga mu buyobozi”.

Mu bindi iyi nteko rusange yemeje, harimo ko amakipe yose agomba kugira abakiri bato “Junior” bazajya bakinira mu ma zone amakipe aherereyemo, buri uko amakipe makuru akinnye. Ferwafa kandi yanemeje amasezerano y’ubufatanye n’amashyirahamwe ya ruhago ya Gabon, Angola na Marooc.

Perezida wa Ferwafa mu kiganiro n'itangazamakuru nyuma y'inteko rusange

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 Nzeri 2016
Copyright © 2009 -2014 - IGIHE Ltd - All Rights Reserved