00:00:00 IGIHE NETWORK KN KINYARWANDA EN ENGLISH FR FRANCAIS

Euro 2020: Sergio Busquets wa Espagne yanduye Covid-19

Yanditswe na Habimana Sadi
Kuya 7 Kamena 2021 saa 08:51
Yasuwe :
0 0

Kapiteni w’Ikipe y’Igihugu ya Espagne, Sergio Busquets, yanduye Covid-19 habura iminsi irindwi ngo imikino ya Euro itangire.

Mbere yo gukina umukino wa gicuti n’Ikipe y’Igihugu ya Suède kuri uyu wa Mbere, abagize Ikipe ya Espagne bose babanje gupimwa icyorezo cya Covid-19. Ibisubizo byerekanye ko Busquets usanzwe ukinira FC Barcelona arwaye iki cyorezo ndetse ahita ashyirwa mu kato.

Ni mu gihe kandi habura iminsi irindwi ngo irushanwa rya Euro 2020, ritangire, amakipe y’ibihugu yabonye itike ubu akomeje imyiteguro irimo no gukina imikino ya gicuti itandukanye.

Nubwo Sergio Busquets yasanzwemo icyorezo cya Covid-19, bagenzi be bo bakomeje imyitozo ndetse kuri uyu wa Mbere barakina umukino wa gicuti na Suède, hanyuma ku wa Kabiri bazahure na Lithuania.

Uyu mugabo w’imyaka 32 y’amavuko, bisobanuye ko mu gihe yakomeza gupimwa agasangwa Covid-19, atakina umukino w’umunsi wa mbere kuko habura iminsi irindwi gusa ngo iri rushanwa ritangire.

Sergio Busquets yasanzwemo icyorezo cya Covid-19
Mbere yo gusangwamo Covid-19, Sergio Busquets yari yakinnye umukino wa gicuti Espagne yakinnye na Portugal ukarangira ari ubusa ku busa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .