Kwamamaza

Urujijo ku cyagendeweho Ferwafa yemeza ibibuga bizakinirwaho shampiyona

Yanditswe kuya 19-10-2016 saa 11:43' na Jah d'eau DUKUZE


Raporo y’ibibuga byemerewe kwakira shampiyona ya 2016-2017 ikomeje kutavugwaho rumwe, nyuma y’aho amakipe atatu ahagarikiwe kwakira imikino ku bibuga byayo nyamara bimwe bikaza kwemererwa nubwo bitujuje ibisabwa.

Akanama kashyizweho n’inteko rusange ya Ferwafa ngo gasure ibibuga bitandukanye harebwa niba koko bifite ubushobozi bwo kwakira Shampiyona y’icyiciro cya mbere, mu cyumweru gishize kemeje ko ibibuga by’Amagaju, Gicumbi na Sunrise, bitari ku rwego rwo gukinirwaho uyu mwaka mu gihe ibya Kirehe, Bugesera, Espoir na Pépinière byaje kwemererwa ku buryo bucyibazwaho.

Nyuma y’iyi raporo, aya makipe atatu yari yahagarikiwe ibibuga yaje gutangaza ko atiteguye gukina shampiyona mu gihe ibibuga byayo bidakomorewe, gusa nyuma y’ibiganiro amakipe ya Gicumbi na Sunrise yemera gukinira i Kigali, mu gihe Amagaju n’ubundi imikino yayo ibiri ibanza yari buyikinire hanze.

Kuri raporo yatanzwe n’aka kanama IGIHE ifitiye kopi , biragaragara ko hari ibibuga byemerewe kwakira shampiyona nyamara bitujuje ibisabwa, hakibazwa icyagendeweho ngo bimwe byemerwe ibindi byangwe. Iyi raporo igaragaza ko ikibuga cya Bugesera gifite urwambariro rwimukanwa ndetse n’ubwiherero bw’abafana bumeze gutyo.

Ikindi ivuga ko ikibuga cya Runda Pépinière yakiriraho imikino gifite ubwiherero ndetse kizaba gifite urwambariro rwimukanwa. Ibi ariko, nubwo aka kanama kabyemeje, imikino y’umunsi wa mbere wa shampiyona yagaragaje ko hashobora kuba hari ikindi cyihishe inyuma yo kwemerera ibi bibuga kwakira shampiyona maze ibindi bikangwa.

Haba ku bibuga bya Pépinière mu mukino yakiriyemo Mukura, ndetse n’icya Bugesera mu mukino yakiriyemo Kiyovu Sports, ubwiherero bwimukanwa ndetse n’urwambariro rwimukanwa ntabwo byahagaragaye. Umwe mu bayobozi b’amakipe twaganiriye utashatse ko amazina ye ajya ahagaragara, yadutangarije ko haba hari aho abagize iyi komisiyo bifuje guhabwa ’akantu’ ngo bemerere ibibuga kwakira imikino ya shampiyona.

Ubwo twavuganaga n’Umuvugizi wa Ferwafa, Dr Mussa Hakizimana we yadutangarije ko bari bafite ibyo bagenderaho ngo bemerere cyangwa bangire ikibuga kwakira imikino ya shampiyona, kandi ko ibyemewe ari uko byari byujuje ibisabwa.

Ati “Urebye ibyo twagendeyeho ni ukureba uko ikibuga kimeze, uko amazamu ateye, ndetse no kureba niba ikibuga gifite ubwiherero bw’abaturage ndetse n’urwambariro.
Ibibuga byose twemereye ni uko nibura byari byujuje ibyo bisabwa”.

Akanama kakurikiranaga iby’ibibuga, kari kagizwe na John Ntwali (La Jeunesse), Aaron Rurangira (Abasifuzi, Ferwafa), Sekibibi Jean de Dieu (Kiyovu), Alexis Nshimiyimana (Miroplast) na Kayiranga Vedaste usanzwe ari Visi Perezida wa Ferwafa.

Kugeza ubu harakibazwa icyagendeweho mu kwemera ko ibibuga bitujuje ibisabwa byakira imikino ya shampiyona, mu gihe ibindi byangiwe.

Ikibuga cy'Amagaju cyatewe ishoti
Icya Pépinière kiremerwa nubwo nta rwambariro kigira nta n'ubwiherero bw'abafana
N'icya Bugesera gihabwa umugisha

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved