00:00:00 IGIHE NETWORK KN KINYARWANDA EN ENGLISH FR FRANCAIS

Sugira Ernest yerekanye umukunzi we bamaranye imyaka icyenda

Yanditswe na Habimana Sadi
Kuya 9 Kamena 2021 saa 05:10
Yasuwe :
0 0

Rutahizamu w’Ikipe y’Igihugu, Amavubi na Rayon Sports FC, Sugira Ernest nyuma y’igihe kirekire atari benshi bazi umukunzi we, yamwerekanye anavuga ko yishimiye uko urukundo rwabo ruhagaze.

Ni umusore udakunze kugaragara yasohokanye n’umukunzi we cyangwa ngo agaragaze amafoto cyangwa amashusho bari kumwe.

Kuri uyu Gatatu wa tariki 9 Kamena, Sugira abicishije ku rukuta rwe rwa Instagram yerekanye umukunzi we ndetse ahamya ko bamaze imyaka icyenda bakundana.

Sugira yagize ati “Imyaka icyenda mu rukundo. Warakoze ku rukundo rutitaye ku cyo ari cyo cyose. Ubuzima burebure mu izina rya Yesu Amen.“

Gusa nubwo Sugira yatangaje ko afite umukunzi bamaranye iki gihe cyose bakundana, ntabwo yigeze atangaza amazina ye ndetse n’ubutumwa yahise abusiba ku rukuta rwa Instagram.

IGIHE yifuje kuvugana n’uyu rutahizamu ngo avuge amazina y’umukunzi we ariko kugeza ubu ntabwo birakunda.

Ubusanzwe si kenshi abakinnyi bakina umupira w’amaguru mu Rwanda, usanga bagaragaza ko banyuzwe n’abakunzi babo kuko usanga baba batanifuza kuvuga ku ngingo ibabaza ku bakunzi babo.

Bamwe mu bakinnyi bafite abakunzi kandi bakunze kugaragaza ko baryohewe n’urukundo, ni Kimenyi Yves wanamaze kwambika impeta Miss Uwase Muyango amusaba kuzamubera umugore w’isezerano. Hakaza Nkomezi Alexis, Nsabimana Aimable, aba bombi bakaba baramaze gusaba abakunzi babo ko bazababera abagore b’isezerano.

Sugira yagaragaje umukunzi we bamaranye imyaka icyenda bakundana
Sugira Ernest yavuze ko yishimiye urukundo yahawe mu myaka icyenda ishize
Sugira Ernest ni rutahizamu ukunze gutsindira Ikipe y'Igihugu ibitego by'ingenzi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .