Cristiano Ronaldo yigiye imbere mu 10 bahembwa amafaranga menshi ku Isi ya Ruhago

Yanditswe na Manzi Rema Jules
Kuya 12 Nyakanga 2018 saa 09:51
Yasuwe :
0 0

Imwe mu mpamvu zatumye Cristiano Ronaldo afata umwanzuro wo kuva muri Real Madrid akerekeza muri Juventus, harimo no kuba iyi kipe yari amazemo imyaka icyenda yaranze kumuzamura mu mushahara ngo yegere mukeba we, Lionel Messi uhembwa agatubutse kurusha abandi bakina ruhago ku Isi.

Nyuma yo kwemeranya na Juventus amasezerano y’imyaka ine n’umushahara w’ibihumbi 500 by’ama pound ku cyumweru angana na miliyoni 26,6 z’ama pound mu mwaka, uyu mukinnyi ufite ballon d’Or eshanu yahise azamuka ku rutonde rw’abahembwa neza afata umwanya wa gatatu inyuma Messi ushyira ku mufuka miliyoni 40,5 z’ama pound ku mwaka muri FC Barcelona.

Umukinnyi wa kabiri uhembwa akayabo muri ruhago ku Isi ni Neymar winjiza miliyoni 31,7 z’ama pound muri Paris Saint-Germain mu Bufaransa akaba ari nawe ufite agahigo k’umukinnyi uhenze cyane kugeza ubu nyuma yo kugurwa miliyoni 222 z’amayero ava muri FC Barcelona mu mwaka ushize.

Alexis Sanchez wa Manchester United aza ku mwanya wa kane w’abahembwa menshi nyuma yo kuva muri Arsenal agahabwa umushahara wa miliyoni 23,4 z’ama pound ku mwaka, akurikirwa na Oscar na Ezequiel Lavezzi bakina mu Bushinwa bahembwa arenga miliyoni 20 z’ama pound ku mwaka.

Urutonde rw’abakinnyi 10 bahembwa menshi ku Isi muri ruhago:

1. Lionel Messi (Barcelona): Miliyoni £40.5

2. Neymar (Paris Saint-Germain): Miliyoni £31.7

3. Cristiano Ronaldo (Juventus): Miliyoni £26.6

4. Alexis Sanchez (Manchester United): Miliyoni £23.4

5. Oscar (Shanghai SIPG): Miliyoni £21.1

6. Ezequiel Lavezzi (Hebei Fortune): Miliyoni £20.3

7. Mesut Ozil (Arsenal: Miliyoni £18.2

8. Hulk (Shanghai SIPG): Miliyoni £17.6

9. Kylian Mbappe (Paris Saint-Germain): Miliyoni £15.9

10. Paul Pogba (Manchester United): Miliyoni £15.4

Nyuma yo gusezera kuri Real Madrid yagiriyemo ibigwi, Cristiano yigiye imbere ku rutonde rw'abahembwa amafaranga menshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza