Cristiano Ronaldo yagaragaye yambaye isaha y’asaga miliyoni 2$

Yanditswe na Mukaneza M.Ange
Kuya 23 Ukwakira 2018 saa 01:07
Yasuwe :
0 0

Cristiano Ronaldo, rutahizamu wa Juventus yitegura gucakirana na Manchester United yahoze akinira, yagaragaye yambaye isaha bivugwa ko ifite agaciro k’asaga miliyoni ebyiri z’amadolari.

Iyi saha Cristiano yagaragaye ayambaye mu kiganiro yagiranye n’itangazamakuru ku wa Mbere nimugoroba nyuma yo kugera mu Bwongereza.

Yakozwe hagendewe ku isaha ya Caviar Tourbillon yakozwe n’inzu ya Jacob&Co isanzwe ifitanye amasezerano na Cristiano kuva mu 2013.

Ubusanzwe iyi saha igura miliyoni 1.8 y’amapound (asaga miliyoni 2.3 z’amadolari), iya Cristiano ifite umwihariko wo kuba ikozwe na diyama zigera kuri 424.

Daily Mail ivuga ko umuhanzi WizKid nawe yagaragaye yambaye isaha ijya kumera nk’iyi ariko yakozwe na Franck Muller, aho yemeza ko yayiguze miliyoni 1.2$.

Isaha ya Jacob&Co, Cristiano yari yambaye, ije nyuma y’indi ikorwa n’iyi nzu yo mu bwoko bwa H24, ifite diyama zingana na kara (Carats) 15.24 aherutse kugaragara afite ku kuboko, yo igura ibihumbi 100 by’amapound.

Si we gusa ariko wambara isaha ihenze ikorwa n’iyi nzu, kuko Forbes ivuga ko Floyd Mayweather, uzwi mu iteramakofe yambara ifite agaciro ka miliyoni 14 z’amapound.

Muri iki kiganiro n’itangazamakuru, Cristiano yongeye kugaruka ku birego bimushinja gufata ku ngufu, avuga ko azi neza ko ari umwere kandi yizeye ko abamwunganira mu mategeko bazatsinda urubanza.

Kathryn Mayorga w’imyaka 34 ashinja Cristiano kuba mu 2009 yaramufashe ku ngufu, nyuma akaza kumwishyura ibihumbi 288 by’amapound ngo aceceke.

Iyi saha Cristiano yari yambaye bivugwa ko ifite gaciro ka miliyoni zisaga 2.3 z'amadolari
Iyi niyo saha WizKid yashyize hanze ifoto ayambaye akavuga ko igura miliyoni 1.2 y'amadolari
Isaha Cristiano yari yambaye yakozwe hagendewe kuri iyi isanzwe igura miliyoni 1.8 y'amapound

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza