Kwamamaza

Champions League: Real Madrid yongeye gutsikirira mu Budage

Yanditswe kuya 28-09-2016 saa 12:15' na Manzi Rema Jules


Mu mikino ihuza amakipe yabaye aya mbere iwayo ku mugabane w’u Burayi, Real Madrid yongeye gutakaza amanota mu minota ya nyuma y’umukino, mu gihe Leicester City imbere y’abafana yitwaye neza itsinda umukino wa kabiri mu mateka muri iri rushanwa.

Zinedine Zidane n’abasore be bakomeje kugorwa n’ibihe bibi ikipe irimo kuko ku mugoroba wo kuri uyu wa Kabiri yananiwe gukura amanota atatu ku kibuga cya Borussia Dortmund, Signal Iduna Park inganya ibitego 2-2, uba umukino wa gatatu wikurikiranya nta ntsinzi.

Amateka agaragaza ko iyi kipe y’i Bwami muri Espagne nta mukino iratsindira kuri iki kibuga mu marushanwa yo ku mugabane w’u Burayi, yongeye kwisubiramo mu mukino wo mu itsinda F wahuje aya makipe bikagera ku munota wa 87 Real Madrid ifite ibitego 2-1 ariko bikarangira yishyuwe.

Real Madrid niyo yafunguye amazamu ku munota wa 17 ku gitego cya Cristiano Ronaldo kishyurwa n’Umunya- Gabon uri mu bihe bye byiza, Pierre-Emerick Aubameyang kuwa 43, ari nako igice cya mbere cyarangiye.

Igice cya kabiri cyatangiye Real Madrid isatira cyane, yabonye igitego cya kabiri ku munota wa 68 gitsinzwe na myugariro Raphaël Varane.

Dortmund yagarutse mu mukino ndetse n’abafana bayo bakomeza kuyitiza umurindi, yabonye igitego cya kabiri cyo kwishyura ku munota wa 87 cyatsinzwe na Andre Schurrle wahoze akinira Chelsea mu Bwongereza.

Mu Bwongereza, Leicester City yatwaye igikombe cya Shampiyona y’umwaka ushize idahabwa amahirwe, yari yakiriye FC Porto iyitsinda igitego 1-0, uyu ukaba ariwo mukino wa mbere mu mateka iyi kipe yari ikiniye mu rugo muri iri rushanwa ndetse itangira yitwara neza.

Nyuma yo gutsinda Club Brugge yo mu Bubiligi ibitego 3-0, Leceister City yanditse amateka yo gutsinda imikino ibiri ya mbere yo mu matsinda muri Champions League, bitarakorwa n’indi kipe yo mu Bwongereza.

Kuri uyu wa Gatatu iyi mikino irakomeza hakina amakipe kuva mu itsinda A kugera muri D, imikino itegerejwe cyane irimo uwa Atletico Madrid yakira Bayern Munich muri Espagne, Arsenal icakirana na Basel, Borussia Moenchengladbach yisobanura na FC Barcelona idafite Lionel Messi wavunitse.

Imikino yakinwe ku mugoroba wo kuri uyu wa Kabiri:

Itsinda E

-  CSKA Moscow 0-1 Tottenham Hotspur
-  Monaco 1-1 Bayer Leverkusen

Itsinda F

-  Borussia Dortmund 2-2 Real Madrid
-  Sporting CP 2-0 Legia Warszawa

Itsinda G

-  FC Koebenhavn 4-0 Club Brugge
-  Leicester City 1-0 FC Porto

Itsinda H

-  Dinamo Zagreb 0-4 Juventus
-  Sevilla 1-0 Lyon

Imikino iteganyijwe kuri uyu wa Gatatu (20:45)

Itsinda A

-  Arsenal vs Basel
-  Ludogorets Razgrad vs Paris Saint Germain

Itsinda B

-  Besiktas vs Dynamo Kyiv
-  SSC Napoli vs Benfica

Itsinda C

-  Borussia Moenchengladbach vs Barcelona
-  Celtic vs Manchester City

Itsinda D

-  Atletico Madrid vs Bayern Munich
-  FC Rostov vs PSV Eindhoven

Ronaldo yafunguye amazamu ku munota wa 17 w'igice cya mbere
Ronaldo na Danilo bishimira igitego cya mbere
Cristiano Ronaldo yishimira igitego
Emerick Obameyang atsinda igitego cyo kwishyura
Aubameyang yishimira igitego
Gareth Bale ahanganye na Myugariro wa Dortmund, Marcel Schmelzer
Raphaël Varane atsinda igitego cya kabiri cya Real Madrid
Raphaël Varane na bagenzi be bishimira igitego cya kabiri
Modric agundagurana n'abakinnyi ba Borussia Dortmund
Benzema ntiyabashije kubyaza umusaruro amahirwe yabonye imbere y'izamu
Aubameyang (wambaye umuhondo)ahanganye na Myugariro Varane
Umutoza wa Real Madrid, Zinedine Zidane ntiyahiriwe n'umukino wo mu Budage
Andre Schurrle atsinda igitego cya kabiri cya Dortmund cyabonetse mu minota ya nyuma y'umukino
Andre yateye ishoti rikomeye, umuzamu Keylor Navas ananirwa gukuramo umupira
Andre Schurrle atsinda igitego cya kabiri cya Dortmund cyabonetse mu minota ya nyuma y'umukino
Abakinnyi ba Borussia Dortmund bashimira abafana babo nyuma y'umukino
Islam Slimani yahesheje Leceister City amanota atatu

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved