Kwamamaza

Champions League: Real Madrid yatunguriwe muri Pologne, Leicester ikomeza gukora amateka

Yanditswe kuya 3-11-2016 saa 08:39' na Manzi Rema Jules


Nubwo Real Madrid yari yasuye Legia Warszawa muri Pologne yatangiye itsinda igitego ku isegonda rya 58, byageze ku munora wa 83 iyi kipe yayigaranzuye bisaba igitego cyo mu minota ya nyuma cya Mateo Kovacic cyayicunguye itahana inota rimwe.

Ku bakunzi ba Real Madrid bari bakurikiye umukino waherukaga guhuza izi kipe i Santiago Bernabeu iyinyagira ibitego 5-1, n’ubundi bibwiraga ko ari byo biza gusubira kuri Polish Army (ikibuga cya Legia Warszawa).

Iyi kipe irimo kurwanira kuzarangiza mu itsinda ari iya gatatu kugira ngo ibone itike yo gukina Europa League, ntiyatangiye neza kuko yatsinzwe igitego hakiri kare ku isegonda rya 58 cya Gareth Bale wari ufite akanyamuneza ko kuba aherutse kongera amasezerano y’imyaka itandatu muri iyi kipe.

Ku munota wa 35 yaje gusubirwa na Karim Benzema ayishyiramo icya kabiri ariko nayo ihita ihindura umukino mbere y’uko igice cya mbere kirangira yishyuramo igitego kimwe cyatsinzwe na Vadis Odjidja-Ofoe.

Ibi byayigaruriye imbaraga maze mu gice cya kabiri ibona ibindi bitego bibiri bya Miroslav Radovic ku munota wa 58 na Thibault Moulin ku wa 83 bishyira Ronaldo na bagenzi be ku gitutu cyo gutakaza amanota atatu. Real Madrid yaje kugobokwa na Mateo Kovacic ukina hagati mu kibuga wishyuye igitego habura iminota itanu ngo umukino urangire, biba 3-3.

Aya manota Real Madrid yatakaje yatumye Borussia Dortmund ishyiramo intera y’amanota abiri nyuma yo gutsinda Sporting CP 1-0, bikomeza gushyira iyi kipe ifite iki gikombe umwaka ushize ndetse imaze kucyegukana inshuro 11 ku gitutu cyo kuba yazava mu matsinda ari iya kabiri, byatuma ihura n’amwe mu makipe akomeye cyane yazamutse ari aya mbere mu matsinda yayo.

Mu yindi mikino ikomeye yabaye, Tottenham Hotspur yatunguriwe imbere y’abafana bayo ku kibuga Wembley, itsindwa 1-0 na Bayer Leverkusen, Leicester City yari yasuye FC Koebenhavn muri Denmark ihanganyiriza 0-0 ariko ikomeza agahigo ko kuba itaratsindwa na rimwe muri iri rushanwa yitabiriye bwa mbere mu gihe Juventus yo yatunguwe ku kibuga cyayo inganya na Lyon 1 – 1.

Uko imikino yose yagenze

- Monaco 3 - 0 CSKA Moscow

- Tottenham Hotspur 0-1 Bayer Leverkusen

- Borussia Dortmund 1-0 Sporting CP

- Legia Warszawa 3-3 Real Madrid

- FC Koebenhavn 0-0 Leicester City

- FC Porto 1-0 Club Brugge

- Juventus 1-1 Lyon

- Sevilla 4-0 Dinamo Zagreb

Gareth Bale yatsinze igitego cya mbere ku isegonga rya 58 umukino utangiye
Abakinnyi ba Real Madrid bishimira igitego cya mbere
Benzema yatsinze igitego cya kabiri bituma benshi bibaza ko iyi kipe ishobora gutsinda ibitego byinshi
Vadis Odjidja yatsinze igitego cya mbere cyahaye ingufu abakinnyi ba Legia
Miroslav Radovic (ibumoso) yashyizemo igitego cyo kwishyura ku munota wa 57
Thibault Moulin yatsinze igitego cya gatatu Legia itangira kwizera amanota atatu
Cristiano usanzwe ugenderwaho n'iyi kipe ntiyabashije gutsinda igitego muri uyu mukino
Gareth Bale(iburyo) na Cristiano Ronaldo basohotse mu kibuga bababaye
Mateo Kovacic (ibumoso) niwe wakuye mu isoni Real Madrid atsinda igitego cya gatatu cyabahesheje inota rimwe
Umutoza Zinedine Zidane yatunguwe n'uko ikipe yari iri kwitwara
Uyu mukino wakiniwe muri Stade itagira abafana nyuma y'uko abafana ba Legia Warsaw bagaragaweho ibikorwa by'irondaruhu
Amakipe yombi yananiranwe bataha nta n'imwe irebye mu izamu ry'indi
Umuzamu wa Leicester City yari yabereye ibamba abakinnyi ba København
Riyad Mahrez usanzwe ufasha iyi kipe gutsinda ibitego nawe byari byamunaniye
Jamie Vardy wafashije iyi kipe gutwara shampiyona, muri Champions League ho ntibikomeje kumuhira
Umutoza wa Leicester City Claudio Ranieri akomeje kudatsindwa muri iri rushanwa akinanye bwa mbere n'iyi kipe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved