Kwamamaza

Champions League: Real Madrid yarokotse, Man City na Guardiola bakomeza ibyishimo

Yanditswe kuya 15-09-2016 saa 09:03' na Manzi Rema Jules


Real Madrid ifite igikombe cya Champions League cy’umwaka ushize irwanira kucyisubiza igakora amateka atarakorwa n’indi kipe, yatangiye ibona amanota atatu mu buryo bugoranye cyane, Manchester City mu rugo yihaniza Borussia Moenchengladbach ku bitego bine ku busa, bwa mbere mu mateka Leicester City yitabiriye iri rushanwa inyagira Club Brugge naho Tottenham Hotspur itungurwa na AS Monaco.

Real Madrid, ikipe irusha izindi zose amateka muri Champions League imaze kwegukana inshuro 11 harimo, yatangiye uyu mwaka itoroherwa na Sporting CP yari yayisuye i Santiago Bernabéu iyibanza igitego ku munota wa 48 inayirusha kugera imbere y’izamu kenshi.

Zinedine Zidane n’abasore be bayobowe na rutahizamu w’ibihe byose muri iri rushanwa, Cristiano Ronaldo wakinaga n’ikipe yamureze mbere yo kuba igihangange, bakomeje kugerageza biranga umutoza akora impinduka akuramo Gareth Bale yinjiza Lucas Vazquez, Karim Benzema aha umwanya Alvaro Morata, ndetse akuramo Toni Kroos ashyiramo James Rodriguez.

Nyuma y’izo mpinduka Real Madrid yagarutse mu mukino itangira gusatira cyane ndetse ku munota wa 89 mbere y’uko umusifuzi yerekana iminota y’inyongera, Cristiano Ronaldo yafunguye amazamu kuri Coup Franc yateye umuzamu ntiyamenya aho umupira unyuze, iminota ine y’inyongera isigaje amasegonda ngo irangire Alvaro Morata ashyiramo igitego cya kabiri cyahesheje ikipe ye intsinzi.

Ku kibuga cya Etihad naho haberaga umukino wari wasubitswe kuwa Kabiri kubera imvura y’amahindu. Manchester City yakoze amateka umwaka ushize ibasha kugera bwa mbere muri ½ cy’iri rushanwa, yatangiye inyagira Borussia Moenchengladbach yo mu Budage ibitego 4-0.

Ni ibitego byatsinzwe na Sergio Kun Aguero winjije bitatu wenyine na kimwe cya Kelechi Iheanacho wo muri Nigeria.

Ikipe ya Tottenham Hotspur yatsindiwe mu rugo na AS Monaco ibitego 2-1 naho Juventus iganya na Sevilla ubusa ku busa mu gihe Leicester City yakoraga amateka yo gutsinda umukino wa mnbere muri iri rushanwa inyagira Club Brugge yo mu Bubiligi ibitego 3-0.

Uko imikino yose y’umunsi wa mbere mu matsinda yarangiye:

Imikino yabaye kuri uyu wa Kabiri

Basel 1 - 1 Ludogorets Razgrad

Paris Saint Germain 1 - 1 Arsenal

Benfica 1 - 1 Besiktas

Dynamo Kyiv 1 - 2 SSC Napoli

Barcelona 7 - 0 Celtic

Bayern Munich 5 - 0 FC Rostov

PSV Eindhoven 0 - 1 Atletico Madrid

Imikino yabaye kuri uyu wa Gatatu

Manchester City 4-0 Borussia Moenchengladbach

Bayer Leverkusen 2-2 CSKA Moscow

Tottenham Hotspur 1-2 Monaco

Legia Warszawa 0-6 Borussia Dortmund

Real Madrid 2-1 Sporting CP

Club Brugge 0-3 Leicester City

FC Porto 1-1 FC Koebenhavn

Juventus 0-0 Sevilla

Lyon 3-0 Dinamo Zagreb

Bwa mbere Leicester igera muri iri rushanwa yatsinze bitatu
Aguero yatsinze ibitego bitatu wenyine
Abakinnyi ba Manchester City bishimira intsinzi
Cristiano niwe watsindiye ikipe ye igitego cyo kwishyura
Bruno Cesar niwe wafunguye amazamu ku ruhande rwa Sporting Lisbon
Morata yishimira igitego cy'intsinzi

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved