Champions League: Real Madrid ivugwamo umwuka mubi irasura Borussia Dortmund

Yanditswe na Ishimwe Israel
Kuya 27 Nzeri 2016 saa 02:25
Yasuwe :
0 0

Imikino ihuza amakipe yabaye aya mbere iwayo ku mugabane w’u Burayi, UEFA Champions League irakomeza kumugoroba wo kuri uyu wa Kabiri hakinwa imikino ya kabiri mu matsinda, aho Borussia Dortmund yakira Real Madrid ifite igikombe giheruka.

Uyu mukino utegerejwe na benshi kubera amateka mabi Real Madrid yakuye ku kibuga Signal Iduna Park inyagirwa ibitego bine kuri kimwe muri 2013.

Umukino uhuza amakipe yombi urabera ku kibuga Signal IDuna Park mu Budage saa mbili n’iminota 45, ahantu Real Madrid itarabasha gukura amanota atatu mu myaka 10 ishize mu mikino yose yo ku mugabane w’u Burayi yahakiniye harimo 2003 zanganyije igitego 1-1, 2012 itsindwa 2-1, 2013 inyagirwa 4-1, 2014 ari nabwo yaherukaga kujyayo ikaba yari yatsinzwe 2-0.

Uretse kuba iki kibuga gisanzwe kigora Real Madrid cyane, igiye kugikiniraho yari imaze iminsi itari kwitwara neza muri Shampiyona ya Espagne, La Liga, kuko yanganyije imikino ibiri iheruka.

By’umwihariko mu mpera z’icyumweru gishize, rutahizamu Cristiano Ronaldo akaba yarabwiye umutoza Zinedine Zidane amagambo mabi ubwo yari amusimbuje ku mukino banganyije na Las Palmas ibitego 2-2.

Indi mikino ikomeye cyane ku munsi wa kabiri mu matsinda ya champions League y’uyu mwaka iteganyijwe ejo kuwa Gatatu aho Borussia Moenchengladbach yo mu Budage izaba yakiriye FC Barcelona, Atletico Madrid muri Espagne yakiriye Bayern Munich naho SSC Napoli mu Butaliyani yakiriye Benfica yo muri Portugal.

Imikino iteganyijwe uyu munsi saa 20:45

- CSKA Moscow vs Tottenham Hotspur

- Monaco vs Bayer Leverkusen

- Borussia Dortmund vs Real Madrid

- Sporting CP vs Legia Warszawa

- FC Koebenhavn vs Club Brugge

- Leicester City vs FC Porto

- Dinamo Zagreb vs Juventus

- Sevilla vs Lyon

Real Madrid mu myitozo mbere yo gucakirana na Borussia Dortmund
Cristiano Ronaldo uheruka guterana amagambo n'umutoza we Zinedine Zidane yakoranye imyitozo na bagenzi be
Gareth Bale(imbere), umwe mu bakinnyi bitezweho byinshi kuri uyu munsi
Real Madrid irarwana no gukuraho amateka mabi yo kudatsindira umukino n'umwe i Signal Iduna Park mu myaka 10 ishize
Gareth Bale mu myitozo yitegura guhura na ba myugariro ba Borussia Dortmund
Umutoza wa Real Madrid, Zinedine Zidane avuga ko ikipe ye yiteguye kwitwara neza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244