00:00:00 IGIHE NETWORK KN KINYARWANDA EN ENGLISH FR FRANCAIS

Car Free Day yagarutse muri Kigali

Yanditswe na Habimana Sadi
Kuya 19 Gicurasi 2021 saa 02:15
Yasuwe :
0 0

Nyuma yo guhagarika ibikorwa bya Siporo kubera ubwiyongere bw’icyorezo cya COVID-19, Car Free Day nka Siporo ihuza abantu benshi, yagarutse.

Ubusanzwe Siporo rusange muri ibi bihe bya COVID-19, ntabwo yemewe nkuko amabwiriza y’Ikigo cy’Igihugu cy’Ubuzima (RBC), abivuga.

Nyuma yo guhagarika Car Free Day nka Siporo ihuza ingeri z’abantu benshi batandukanye, yongeye gukomorerwa ariko ikazajya ikorwa hubahirizwa amabwiriza yo kwirinda COVID-19.

Ku Cyumweru Tariki ya 23 Gicurasi 2021, nibwo Car Free Day izongera gukorwa nk’uko byatangajwe na Minisiteri ya Siporo.

Iyi Minisiteri ibicishije ku rukuta rwayo rwa Twitter, yavuze ko abantu bafite ibimenyetso bya COVID-19 batemerewe kwitabira iyi siporo rusange.

Mu mabwiriza agomba kuzubahirizwa muri Car Free Day harimo:

• Kwambara agapfukamunwa mbere na nyuma ya Siporo
• Kubahiriza intera ya metero ebyiri hagati y’umuntu n’undi
• Kwitwaza no gukoresha imiti yabugenewe isubukura intoki

Minisitiri wa Siporo, Munyangaju Aurore (ubanza iburyo mu b'imbere) na Meya w'Umujyi wa Kigali (wambaye umupira w'ubururu) bari mu bajya bitabira Car Free Day
Car Free Day iba irimo udushya dutandukanye
Abanyamahanga batuye mu Rwanda bakunda kwitabira Car Free Day
Car Free Day izakorwa hubahirizwa ingamba zo kwirinda icyorezo cya COVID-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .