Kwamamaza

CAN 2017: Uganda mu itsinda rya Ghana na Misiri-Congo Kinshasa yisanga ahakomeye

Yanditswe kuya 20-10-2016 saa 07:43' na Jah d'eau DUKUZE


Tombola y’uko amakipe azahura mu gikombe cya Afurika cy’umwaka wa 2017, yasize Imisambi ya Uganda igomba kwisobanura na Ghana na Misiri mu gihe Congo Kinshasa ya Florent Ibenge bizayisaba guhangana na Togo, Maroc na Côte d’Ivoire kugira ngo ibe yagera muri ¼ cy’irangiza.

Amakipe 15 yari yasanze Gabon izaba iri mu rugo, muri tombola yabereye i Libreville ku mugoroba wo kuri uyu wa Gatatu tariki ya 19 Ukwakira 2016, harebwa uburyo azaba ahatana mu mikino izaba ikinwa ku nshuro ya 31, hagati y’amatariki ya 14 Mutarama-5 Gashyantare 2017.

Tombola yasize itsinda rya gatatu ari ryo ribaye iry’urupfu, aho rigaragaramo ibihugu bitatu bihabwa amahirwe yo kwegukana iki gikombe, Senegal, Tunisia na Algeria. Ikipe ya Congo Kinshasa yari yegukanye umwanya wa gatatu mu irushanwa riheruka, na yo yisanze igomba guhatana na Togo, Maroc na Côte d’Ivoire ifite iki gikombe.

Uganda yaherukaga kunganya na Ghana 0-0

Ikipe ya Uganda Cranes yari imaze imyaka iyinga 40 itajya muri iri rushanwa, ifite akazi gakomeye ko kugira ngo ibe yagera mu mikino ya kimwe cya kane cy’irangiza. Iyi kipe ya Micho, igomba gusezerera imwe mu makipe abiri afite ibikombe byinshi muri Afurika, Ghana na Misiri maze ikaba yaza mu makipe abiri mu itsinda D rinaherereyemo Mali.

Iyi misambi ya Uganda, yari yashoboye kwitwara neza ku mukino yaherukaga guhuriramo na Ghana mu gushaka itike yo kujya mu gikombe cy’isi, ubwo yanganyirizaga na Black Stars i Accra 0-0 . Iyi ariko, ikaba igomba gukoresha izindi mbaraga zirenze kugira ngo ibe yakwegukana umwanya wa kabiri yari yabonye mu irushanwa nk’iri yaherukaga gukina mu 1978.

Uko amatsinda ahagaze muri CAN 2017:

-  Group A: Gabon, Guinnee Bissau, Cameroon, Burkina Faso

- Group B: Algeria, Zimbabwe, Senegal, Tunisia

- Group C: Côte d’Ivoire, Togo, Marooc, RDC

- Group D: Ghana, Uganda, Misiri, Mali


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved