CAF yahagaritse abasifuzi 22 barimo 10 bo muri Ghana kubera ruswa

Yanditswe na Manzi Rema Jules
Kuya 8 Nyakanga 2018 saa 01:06
Yasuwe :
0 0

Impuzamashyirahamwe y’umupira w’amaguru muri Afurika (CAF) yahagaritse abasifuzi 22 bo mu bihugu bitandukanye bagiye bagaragaraho ibyaha bijyanye na ruswa harimo 10 bo muri Ghana.

Mu gihe abakunzi ba ruhago baba bishyuye akayabo kugira ngo bemererwe kubera imikino y’amakipe bakunda, bamwe mu bashinzwe kuyiyobora no gutuma igenda neza ari nabo bafata ibyemezo byose hagati mu kibuga, bakunze kuvugwaho kwakira ruswa y’uruhande rumwe kugira ngo barubogamireho, rutsinde rutabikwiye.

Kuri uyu wa Gatandatu, akanama gashinzwe imyitwarire muri CAF katangaje ko kahagaritse abasifuzi 22 bashyizwe ahagaragara n’umunyamakuru wo muri Ghana witwa Anas Aremeyaw wihaye inshingano zo gutamaza abananirwa gufata ibyemezo bikwiye ahubwo bagakoresha ubushobozi bafite buzuza imifuka yabo.

Nk’uko CAF yabitangaje mu itangazo rigenewe abanyamakuru, mu basifuzi 22 barimo umwe wo muri Kenya, Aden Range Marwa wahagaritswe ubuzima bwe bwose muri uyu mwuga, 10 bahagaritswe imyaka igiye itandukanye naho abandi 11 bahagaritswe by’agateganyo mbere y’uko ibyo bakekwaho bizafatwaho imyanzuro tariki 5 Kanama 2018.

Si abasifuzi gusa uyu munyamakuru usanzwe ukorera BBC inkuru zicukumbuye yatamaje kuko yanagaragaje ibyaha bya ruswa mu Ishyirahamwe ry’umupira w’amaguru muri Ghana byatumye Perezida waryo, Kwesi Nyantakyi n’ushinzwe itumanaho, Saanie Daara begura ku mirimo yabo.

Abasifuzi 11 bahagaritswe mu gihe cy’imyaka itandukanye:

1. Marwa Range (Kenya) yahagaritswe ubuzima bwose muri ruhago
2. Boukari Ouedraogo (Burkina Faso) yahagaritswe imyaka itanu
3. Denis Dembele (Côte d’Ivoire): yahagaritswe imyaka itandatu
4. Marius Tan (Côte d’Ivoire): yahagaritswe imyaka ibiri
5. Bi Valere Gouho (Côte d’Ivoire) yahagaritswe imyaka ibiri
6. Coulibay Abou (Côte d’Ivoire): yahagaritswe imyaka ibiri
7. Jallow Ebrima (Gambia) yahagaritswe imyaka 10
8. Moriba Diakite (Mali) yahagaritswe imyaka itanu
9. Demba Boubou (Mauritania) yahagaritswe imyaka itanu
10. Maman Raja Abba Malan Ousseini (Niger) yahagaritswe imyaka itanu
11. Yanissou Bebou (Togo) yahagaritswe imyaka 10

Abasifuzi 11 bahagaritswe by’agateganyo

1. Lathbridge Reginald (Ghana)
2. Bello Aboudou (Ghana)
3. Nantierre Eric (Ghana)
4. Fleischer Cecil (Ghana)
5. Anafo Nathan (Ghana)
6. Ouedraogo Dawood (Ghana)
7. Salifu Malik (Ghana)
8. Akongyam Theresa (umugore wo muri Ghana)
9. Badiu Brahim (Ghana)
10. Yekeh Jerry (Liberia)
11. David Laryea (Ghana)

Aden Marwa wo muri Kenya yahagaritswe ubuzima bwe bwose mu bikorwa byose bya ruhago

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza