00:00:00 IGIHE NETWORK KN KINYARWANDA EN ENGLISH FR FRANCAIS

CAF: APR FC yatomboye ikipe yo muri Somalia, AS Kigali izahura n’iyo muri Comores

Yanditswe na Eric Tony Ukurikiyimfura
Kuya 13 Kanama 2021 saa 06:43
Yasuwe :
0 0

Tombola y’uburyo amakipe azahura mu mikino Nyafurika ihuza amakipe, yasize APR FC izahura na Mogadishu City Club yo muri Somalia mu ijonjora rya mbere rya CAF Champions League mu gihe AS Kigali yatomboye kuzahura na Olympique de Missiri yo mu Birwa bya Comores muri CAF Confederation Cup.

Kuri uyu wa Gatanu ni bwo habaye tombola y’amarushanwa Nyafurika ahuza amakipe ku cyicaro cya CAF giherereye mu Misiri.

APR FC izahagararira u Rwanda muri CAF Champions League, yatomboye kuzahura na Mogadishu City Club yo muri Somalia mu ijonjora rya mbere.

Ikipe izakomeza hagati yazo mu mikino ibiri izaba hagati ya tariki ya 10 n’iya 19 Nzeri 2021, izahura na Etoile du Sahel yo muri Tunisia.

Muri CAF Confederation Cup, AS Kigali yatomboye kuzahura na Olympique de Missiri yo mu Birwa bya Comores. Izakomeza hagati yazo, izahura na DC Motema Pembe yo muri Repubulika Iharanira Demokarasi ya Congo.

Imikino ibanza y’ijonjora rya mbere izabera hanze mu gihe amakipe y’u Rwanda azakira imikino yo kwishyura i Kigali.

Mu mwaka ushize w’imikino, APR FC yasezerewe na Gor Mahia yo muri Kenya mu ijonjora rya mbere rya Champions League mu gihe AS Kigali yasezerewe na CS Sfaxien mu ijonjora rya gatatu ribanziriza amatsinda ya CAF Confederation Cup.

APR FC na AS Kigali zamenye amakipe zizahura mu marushanwa Nyafurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .