00:00:00 IGIHE NETWORK KN KINYARWANDA EN ENGLISH FR FRANCAIS

Byiringiro Lague yerekeje mu Busuwisi mu ikipe nshya

Yanditswe na Habimana Sadi
Kuya 9 Nyakanga 2021 saa 07:45
Yasuwe :
0 0

Rutahizamu wakiniraga APR FC, Byiringiro Lague, yafashe indege imwerekeza mu Busuwisi gutangira ubuzima bushya mu kipe yabonyeyo.

Ku wa Kane tariki ya 08 Nyakanga 2021, nibwo uyu musore ukina aca ku ruhande mu busatirizi, yafashe indege imwerekeza ku mugabane w’i Burayi mu Busuwisi.

Nubwo ikipe Lague yasinyiye yakomeje kugirwa ibanga, amakuru IGIHE yamenye ni uko uyu musore azakinira Neuchatel Xamax ikina muri shampiyona y’icyiciro cya kabiri mu Busuwisi.

Shampiyona y’icyiciro cya kabiri muri iki gihugu, izwi ku izina rya Challenge League. Stade y’iyo kipe yitwa La Maladière yakira abantu ibihumbi 12 bicaye neza.

Mu mwaka ushize w’imikino mu Busuwisi, Neuchatel Xamax yasoje shampiyona iri ku mwanya wa cyenda mu makipe icumi akina shampiyona y’icyiciro cya kabiri muri iki gihugu. Ni ikipe yiganjemo abakinnyi b’abenegihugu.

Iyi kipe yamubengukiye mu mikino ya CHAN iheruka kubera muri Cameroun nubwo uyu musore atakinnye imikino yose abanzamo ariko umukino umwe gusa yabanjemo wahise umuhesha ayo mahirwe.

Byiringiro Lague w’imyaka 21 y‘amavuko, yageze muri APR FC avuye mu Intare FC nayo yagezemo avuye muri Vision FC yamureze kuva ari umwana muto.

Muri uyu mwaka w’imikino, mu mikino 13 ya shampiyona ikipe ye yakinnye nk’izindi, uyu musore yayitsindiye ibitego 11. Gusa ni umusore wagiye atsindira APR FC ibitego aho rukomeye, cyane cyane nko ku mukino wahuzaga ikipe y’Ingabo na mukeba wayo, Rayon Sports FC.

Undi mukinnyi wa APR FC ushobora kwerekeza ku mugabane w’i Burayi, ni Manzi Thierry wamaze gusinyira amasezerano y’imyaka itatu FC Dila Gori yo mu Cyiciro cya mbere muri Georgia. Iyi kipe ya Manzi iri mu ziri gukina irushanwa rishya rya UEFA Europa Conference League.

Yamaze kwerekeza mu Busuwisi mu cyiciro cya kabiri
Ni umukinnyi usigaye abona umwanya wo gukina mu Kipe y'Igihugu 'Amavubi'
Ni umusore ufite impano igaragarira buri wese

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .