Burundi: Hagiye gushyirwaho irushanwa ryitiriwe Pierre Nkurunziza

Yanditswe na Bukuru JC
Kuya 31 Mutarama 2021 saa 06:07
Yasuwe :
0 0

Ishyirahamwe ry’Umupira w’Amaguru mu Burundi (FFB) rirateganya gushyiraho irushanwa rizitirirwa uwahoze ari Perezida w’icyo gihugu, Pierre Nkurunziza, witabye Imana muri Kamena 2020 azize urupfu rutunguranye.

Ibi ni bimwe mu byagarutsweho mu Nama y’Inteko Rusange idasanzwe ya FFB yateraniye kuri Hotel Helena mu Ntara ya Gitega kuri iki Cyumweru.

Mu ijambo rye, Perezida wa FFB, Révérien Ndikuriyo, yavuze ko hagiye gushyirwaho irushanwa ryitiriwe uwahoze ari Perezida w’u Burundi, Pierre Nkurunziza, witabye Imana ku wa 8 Kamena 2020 aguye mu Bitaro bya Cinquantenaire de Karusi, mu rwego rwo kumwibuka nk’umuntu waharaniye iterambere rya siporo muri icyo gihugu.

Yagize ati “Tuzashyiraho za shampiyona nshya cyane mu mupira w’amaguru w’abagore, uw’abakiri bato n’indi ishobora kuzitirirwa Pierre Nkurunziza wahoze ari Perezida wa Repubulika hagamijwe kumuha icyubahiro ku bikorwa by’indashyikirirwa yakoze muri siporo y’u Burundi.”

Ndikuriyo yashimangiye ko amakipe yose agomba gushyiraho ay’abato azayafasha gusimbuza abakinnyi bakuru bagurwa n’ayandi.

Nkurunziza Pierre wari ufite ikipe ya Halleluya FC, yayoboye u Burundi imyaka 15 kuva mu 2005 kugeza mu 2020.

Mu Burundi hagiye gushyirwaho irushanwa rizitirirwa Pierre Nkurunziza wayoboye iki gihugu
Perezida wa FFB, Révérien Ndikuriyo, mu Nama y'Inteko Rusange idasanzwe yabaye kuri iki Cyumweru
Pierre Nkurunziza wayoboye u Burundi hafi imyaka 15 yitabye Imana ku wa 8 Kamena aguye mu Bitaro bya Cinquantenaire de Karusi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .