Kwamamaza

Bayisenge Emery yitwaye neza ku mukino wa mbere afasha Kénitra gutsindira igitego i Rabat

Yanditswe kuya 7-09-2016 saa 09:38' na Jah d’Eau Dukuze


Umupira wa Emery Bayisenge ku munota wa 74 ni wo wavuyemo igitego Tawfik Ijrouten yatsindiye KAC de Kénitra, mu mukino ubanza w’igikombe cy’igihugu batsinzwemo na FUS de Rabat ibitego 2-1.

Emery Bayisenge, yakinaga umukino we wa mbere muri iyi kipe yambara icyatsi n’umweru, nyuma yaho mu cyumweru gishize ashyiriye umukono ku masezerano yo kuzayikinira imyaka itatu.

KAC de Kénitra, yatangiye uyu mwaka wa shampiyona nabi itsindwa na Raja Casablanca 4-0 mu mukino ufungura iyindi muri shampiyona y’icyiciro cya mbere. Iyi kipe, kuri uyu wa Kabiri tariki ya 6 Nzeli, yari yerekeje mu murwa mukuru wa Maroc, kwisobanura na FUS de Rabat, mu mukino ubanza w’igikombe cy’igihugu kigeze muri 1/8 cy’irangiza.

FUS de Rabat imaze kwegukana iki gikombe inshuro esheshatu, ni yo yahabwaga amahirwe kuri uyu mukino wabereye ku kibuga cyayo, biza no kurangira yinjiye neza mu mukino, ubwo Youssoufa Nji yayitsindiraga igitego ku munota wa 11. Igice cya mbere, cyaje kurangira FUS Rabat iri imbere n’igitego 1-0.

Emery Bayisenge, wari wakomeje kugora ba rutahizamu ba FUS de Rabat, yaje kuzamukana umupira neza ku munota wa 74, maze nyuma yo kuwuhererekanya neza na Gaadaoui aza kuwugeza kwa Tawfik Ijrouten, nawe ahita awuboneza mu rushundura.

FUS de Rabat yari mu rugo, yaje kubona igitego cy’intsinzi ku munota wa 81, nyuma yaho umusifuzi yemeje ko Rachid Tiberkanine yakorewe ikosa mu rubuga rw’amahina, maze agatanga penaliti yinjijwe neza na Youssef El Gnaoui.

Umukino waje kurangira ari ibitego bibiri bya FUS Rabat kuri 1 cya KAC de Kénitra ya Emery Bayisenge, gusa igitego batsindiye hanze kikaba gishobora kubafasha mu mukino wo kwishyura bazakinira ku kibuga cyabo kuri uyu wa Gatandatu tariki ya 10 Nzeli 2016.

KAC de Kénitra, yari yageze muri iki cyiciro n’ubundi ibifashijwemo n’igitego cyo hanze, nyuma yo kunganya na Fath de Ouislane ibitego 3-3 mu mikino yombi(1-3; 2-0).

Iyi kipe, yashoboye kwegukana iki gikombe cyitwa Coupe du Trône inshuro imwe , hari mu 1961 gusa inakina imikino ya nyuma yacyo mu mwaka wa 1969 na 1991.

Emery Bayisenge, yerekeje muri KAC de Kénitra nyuma yo guhesha APR FC igikombe cya 16 cya shampiyona. Uyu myugariro wanabaye Kapiteni w’ikipe y’igihugu y’abatarengeje imyaka 17 mu gikombe cy’isi cyabereye muri Mexique, yagiye anifuzwa n’amakipe atandukanye ku mugabane w’u Burayi arimo Linz FC yo muri Autriche na Toulouse yo mu Bufaransa, ariko hose bikarangira amahirwe atamusekeye.

Abakinnyi bari babanje mu kibuga ku ruhande rwa KAC de Kénitra: Alaa Meskini, Mohamed Chibi, Anass Amrani, Rozan Varel Joviale, Bayisenge Emery, Fahd Kardoud, Ayoub El Gaadaoui, Ayoub Zehaf, Bedi Guy Stephane, Abderazzak Lemnasfi, Tawfik Ijrouten

Umukino uhuza FUS Rabt (yambaye umutuku) na KAC de Kénitra (yambaye icyatsi n'umweru) ukunda kurangwamo ishyaka ryinshi
Bayisenge Emery yari umwe muri ba myugariro beza mu Rwanda
Emery Bayisenge yishimiwe n'abakinnyi ba KAC de Kénitra
Emery yasinye imyaka itatu muri KAC de Kénitra azajya yambara nimero 20

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved