00:00:00 IGIHE NETWORK KN KINYARWANDA EN ENGLISH FR FRANCAIS

Bayisenge Emery yasubiye muri Bangladesh

Yanditswe na Eric Tony Ukurikiyimfura
Kuya 8 Ugushyingo 2021 saa 03:50
Yasuwe :
0 0

Myugariro mpuzamahanga w’Umunyarwanda, Bayisenge Emery, yasubiye muri Saif Sporting Club yo muri Bangladesh, aho yasinye amasezerano mashya y’imyaka ibiri.

Bayisenge yasubiye muri Bangladesh nyuma yo kuhagera muri Mutarama 2019 ubwo yakiniraga bwa mbere Saif Sporting Club mbere y’uko haduka icyorezo cya COVID-19.

Iki cyorezo cyibasiye Isi yose cyatumye Shampiyona ya Bangladesh ihagarara, Bayisenge agaruka mu Rwanda, aho yakiniye AS Kigali mu mwaka w’imikino wa 2020/21, ayifasha kuba iya kabiri.

Kuri uyu wa Mbere, tariki ya 8 Ugushyingo 2021, ni bwo yahawe amasezerano mashya muri Saif Sporting Club azakinira kugeza mu 2023.

Saif Sporting Club ibarizwa mu murwa mukuru wa Bangladesh, Dhaka, yashinzwe mu 2016, ikaba ari iya sosiyete ya Saif Powertec Limited ikora batiri z’imodoka.

Bayisenge Emery asanzwe ari umwe muri ba myugariro bakomeye mu Rwanda, aho yakiniye Isonga FC mbere yo kujya muri APR FC yamazemo imyaka itanu kugeza mu 2016.

Andi makipe yakiniye arimo KAC de Kénitra yo muri Maroc na USM Alger hagati ya 2016 na 2018.

Uyu musore w’imyaka 27, yari mu Amavubi yakinnye Igikombe cy’Isi cy’Abatarengeje imyaka 17 mu 2011 mu gihe yatangiye guhamagarwa mu Ikipe nkuru mu 2012.

Bayisenge Emery yasubiye muri Saif Sporting Club yo muri Bangladesh
Bayisenge yahawe amasezerano y'imyaka ibiri muri iyi kipe yahozemo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .