00:00:00 IGIHE NETWORK KN KINYARWANDA EN ENGLISH FR FRANCAIS

Atlético Madrid yegukanye igikombe cya Shampiyona yaherukaga mu 2014 (Amafoto)

Yanditswe na Habimana Sadi
Kuya 22 Gicurasi 2021 saa 10:58
Yasuwe :
0 0

Atlético Madrid yegukanye igikombe cya Shampiyona y’Icyiciro cya Mbere muri Espagne, itsinze Real Valladolid ibitego 2-1 ku munsi wa nyuma mu mukino wabaye kuri uyu wa Gatandatu.

Ni shampiyona yasojwe kuri uyu wa Gatandatu, amakipe yose akaba yakiniye rimwe kuva saa kumi n’ebyiri z’umugoroba.

Amakipe abiri, niyo yari agihanganiye igikombe cya Shampiyona ya Espagne, ari yo Real Madrid na Atlético Madrid zituye mu Mujyi wa Madrid.

Atlético Madrid yabigezeho itsinze Real Valladolid ibitego 2-1 byatsinzwe na Angel Correa na Luiz Suárez mu gihe igice cya mbere cyari cyarangiye Valladolid ifite igitego 1-0 cyatsinzwe na Oscar Plano.

Byatumye Atlético Madrid isoza Shampiyona ya La Liga ifite amanota 86 mu mikino 38 bakina, mu gihe Real Madrid yo yasoje ifite amanota 84, hanyuma FC Barcelona isoza shampiyona ifite amanota 79 ku mwanya wa gatatu.

Karim Benzema na Luka Modric ni bo bafashije Real Madrid kwikura imbere ya Villarreal ku bitego 2-1 mu gihe FC Barcelone yatsinze Eibar igitego 1-0 cyinjijwe na Antoine Griezmann.

Iki gikombe, Atlético Madrid yagiherukaga muri 2013-2014, bivuze ko hari hashize imyaka irindwi iyi kipe idatwara igikombe cya Shampiyona.

Luiz Suárez wavuye muri FC Barcelona, yasoje umwaka w’imikino 2020-2021 atsinze ibitego 20 mu gihe muri 2019-2020 yari yatsinze ibitego 19.

Real Valladolid, Eibar na Huesca nizo zamanutse mu cyiciro cya kabiri kuko muri iyi Shampiyona hamanuka iya 18,19 na 20.

Abafana ba Atlético Madrid bari hanze ya Stade bategereje inkuru nziza
Abakinnyi ba Atlético Madrid baterura umutoza Diego Simeone
Atlético Madrid yaherukaga igikombe cya shampiyona muri 2013-2014
Luiz Suárez yafashije cyane Atlético Madrid muri uyu mwaka w'imikino
Angel Correa yafashije ikipe ya Diego Simeone gusubira mu mukino nyuma yo gusoza igice cya mbere yatsinzwe igitego 1-0
Oscar Plano ashimirwa na bagenzi be nyuma yo gutsindira Real Valladolid mu gice cya mbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .