00:00:00 IGIHE NETWORK KN KINYARWANDA EN ENGLISH FR FRANCAIS

AS Kigali yasinyishije Rugwiro Hervé na Mugheni

Yanditswe na Eric Tony Ukurikiyimfura
Kuya 11 Nyakanga 2021 saa 01:38
Yasuwe :
0 0

AS Kigali izahagararira u Rwanda muri CAF Confederation Cup yasinyishije myugariro Rugwiro Hervé wari Kapiteni wa Rayon Sports na Mugheni Kakule Fabrice wari umaze umwaka umwe akinira AFC Leopards yo muri Kenya.

Ku wa Gatandatu ni bwo iyi kipe y’Abanyamujyi yasinyishije abakinnyi bombi ku masezerano y’imyaka ibiri nk’uko Umunyamabanga Mukuru wa AS Kigali, Gasana Francis, yabyemereye IGIHE.

Rugwiro Hervé ukina hagati mu bwugarizi, yari amaze imyaka ibiri muri Rayon Sports yagezemo mu 2019, avuye muri APR FC.

Yagiye gusimbura Karera Hassan waguzwe na APR FC binyuze muri Kiyovu Sports yari yaramutije mu gihe kandi ibiganiro na Bayisenge Emery wasoje amasezerano bigikomeje.

Undi mukinnyi wasinyiye AS Kigali mu mpera z’iki cyumweru ni Mugheni Kakule Fabrice wari umaze umwaka umwe akina muri AFC Leopards yo muri Kenya, aho yageze avuye muri Rayon Sports.

Uyu mukinnyi wo hagati mu kibuga wakiniye amakipe arimo Police FC na Kiyovu Sports, yaguzwe nk’umusimbura wa Nsabimana Eric ‘Zidane’ wagiye muri Police FC.

Rugwiro na Mugheni, bombi biyongereye kuri rutahizamu Saba Robert wavuye muri Kiyovu Sports na Uwimana Guillain waguzwe muri Etincelles FC mu gihe Kalisa Rachid na we aheruka kongera amasezerano.

Ku nshuro ya gatatu yikurikiranya, AS Kigali izongera guhagararira u Rwanda muri CAF Confederation Cup ya 2021/22. Mu mwaka ushize w’imikino, yagarukiye mu ijonjora ribanziriza amatsinda, aho yasezerewe na CS Sfaxien yo muri Tunisia.

Rugwiro Hervé wari Kapiteni wa Rayon Sports, yerekeje muri AS Kigali
Mugheni Kakule Fabrice wari umaze umwaka umwe akina muri Kenya, yasinyiye AS Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .