00:00:00 IGIHE NETWORK KN KINYARWANDA EN ENGLISH FR FRANCAIS

Arsenal imaze iminsi yugarijwe na COVID-19

Yanditswe na Bukuru JC
Kuya 20 Kanama 2021 saa 09:42
Yasuwe :
0 0

Arsenal iheruka gutsindwa na Brentford ibitego 2-0 mu mukino w’umunsi wa mbere wa Premier League, yahishuye ko abakinnyi bayo bane barimo Pierre-Emerick Aubameyang na Alexandre Lacazette bamaze iminsi barwaye COVID-19.

Ku wa Kabiri, ikinyamakuru Daily Mail cyo mu Bwongereza cyatangaje ko umukino wa Brentford na Arsenal wari hafi gusubikwa, hasabwa ko abagize Arsenal bose bapimwa COVID-19 igitaraganya amasaha make mbere y’uko utangira.

Arsenal yakinnye uwo mukino idafite amwe mu mazina akomeye ndetse itsindwa irushwa na Brentford ibitego 2-0 ku wa Gatanu w’icyumweru gishize.

Ku wa Kane, iyi kipe yatangaje ko abakinnyi bayo barimo Pierre-Emerick Aubameyang, Alexandre Lacazette, Willian na Alex Runarsson bamaze iminsi baranduye COVID-19.

Arsenal yavuze ko Aubameyang yamaze gukira ndetse byitezwe ko ashobora gukina umukino wa Chelsea ku Cyumweru nyuma y’uko yasibye uwa Brentford.

Gusa, abandi barimo Lacazette na Runarsson baracyari gukurikiranwa n’abaganga ndetse ntibazakina umukino wo ku Cyumweru mu gihe kuri Willian we hari amahirwe ko yahura n’ikipe yahozemo.

Amakipe yo mu Cyiciro cya Mbere mu Bwongereza asabwa kwipimisha COVID-19 inshuro ebyiri mu cyumweru mu gihe Arsenal byabaye ngombwa ko ibikora ku munsi w’umukino.

Abandi bakinnyi bafite ibibazo muri Arsenal ni Gabriel Magalhães wavunitse mu ivi ry’iburyo, Eddie Nketiah wavunitse akabombambari ku kirenge cy’iburyo kimwe na Thomas Partey ufite ikibazo nk’icyo.

Pierre-Emerick Aubameyang wari mu bakinnyi bane banduye COVID-19, yamaze gukira ndetse ashobora gukina na Chelsea ku Cyumweru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .