Areruya Joseph yegukanye agace muri La Tropicale Amissa Bongo, yambara umuhondo

Yanditswe na Bukuru JC
Kuya 18 Mutarama 2018 saa 05:09
Yasuwe :
0 0

Areruya Joseph yegukanye agace ka kane muri La Tropicale Amissa Bongo, irushanwa rya mbere rikomeye mu magare muri Afurika.

Areruya Joseph wegukanye Tour du Rwanda iheruka, yagaragaje ko akomeye asiga abandi kuri uyu wa Kane muri La Tropicale Amissa Bongo 2018 mu gace bahagurukiye ahitwa Ndjolé bagasoreza Mitzic, hareshya n’ibilometero 182,5.

Uku kwitwara neza k’Umunyarwanda kwamuhesheje kwambara umwenda w’umuhondo wari ufitwe na Lucas Carstensen, Umudage w’imyaka 23 ukinira ikipe ya Bike Aid yigeze gukinwamo n’Abanyarwanda babiri, Hadi Janvier na Nsengimana Jean Bosco.

Aka ka kane ni ko gace ka mbere Umunyarwanda abashije gutwara muri iri rushanwa rya 2018.

Ariko mu ntangiriro ry’iri rushanwa, agace ka mbere ka ”La Tropicale Amissa Bongo 2018” kakinwe ku wa Mbere kegukanwe na Lucas Carstensen, akoresheje amasaha 3:41’:52”, anganya n’abagera kuri 36 bamukurikiye barimo Abanyarwanda babiri, Uwizeyimana Bonaventure wabaye uwa 18 na Munyaneza Didier wa 33.

Areruya Joseph yegukanye agace ka kane muri La Tropicale Amissa Bongo, yambara umwenda w'umuhondo
Areruya Joseph ari ku isonga ku rutonde rusange

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza