00:00:00 IGIHE NETWORK KN KINYARWANDA EN ENGLISH FR FRANCAIS

APR na AS Kigali zatsinze, zikomeza kwerekana inyota yo gutwara igikombe

Yanditswe na Habimana Sadi
Kuya 13 Kamena 2021 saa 06:45
Yasuwe :
0 0

Mu makipe umunani ya mbere ari kwishakamo izegukana igikombe cya shampiyona, APR FC na AS Kigali FC ni zo zikomeje kugaragaza ko zititeguye gutakaza umukino uwo ari wo wose.

Kuri iki Cyumweru nibwo hakinwaga imikino ya shampiyona, haba mu makipe umunani ya mbere ahanganiye igikombe cya shampiyona n’umunani ya nyuma ari kwishakamo ebyiri zizamanuka mu cyiciro cya kabiri.

Umukino wari uw’umunsi ni uwahuje APR FC yari yakiriye Police FC kuri Stade mpuzamahanga ya Huye. Ni umukino watangiye Saa cyenda z’amanywa.

Amakipe yombi yabanje kwigana ariko ikipe y’Ingabo ikanyuzamo ikabona uburyo bwo kubona igitego ariko Usengimana Dany akabupfusha ubusa.

Byaje gusaba ko myugariro w’iburyo wa APR FC, Omborenga Fitina abonera ikipe ye igitego ku munota 66. Akagozi kari gacitse kuva ubwo, maze Mugunga Yves wagiye mu kibuga asimbuye Usengimana Dany ahita atsinda ibitego bibiri ku munota wa 75 no ku munota wa 84.

Iminota 90 yarangiye ikipe APR FC yegukanye intsinzi y’amanota atatu yuzuye. Mu gihe iyi kipe yabonaga intsinzi, ni nako byari bimeze kuri AS Kigali FC zikomeje gucungana ku jisho.

I Muhanga ho, AS Kigali FC ibifashijwemo na Hakizimana Muhadjiri watsinze ibitego bibiri ku munota wa 26 n’uwa 79, yatsinze Espoir FC ibitego bine ku busa.

Hussein Shaban yari yafunguye amazamu ku munota wa 12 gusa, mu gihe Biramahire Abeddy na we yaje gutsinda icya kane mu minota itatu y’inyongera.

Ibi bisobanuye ko AS Kigali FC na APR FC zifite amanota icumi mu mikino ine imaze gukinwa kuko ubwazo zaranganyije hanyuma buri imwe yitsindira imikino itatu yindi.

Undi mukino wabaga mu munani za mbere, ni Rutsiro FC yanganyije na Bugesera FC 0-0 mu mukino wabereye kuri Stade Umuganda.

Mu ziri kurwana no kutazajya mu cyiciro cya kabiri, Kiyovu Sports ibifashijwemo na Saba Robert yatsinze 1-0 Gorilla FC. Mu gihe Mukura VS yatsindwaga 1-0 na Musanze FC cyatsinzwe na Mwiseneza Daniel ku munota wa 64.

Imikino iteganyijwe ku wa Mbere tariki ya 14 Kamena, ni Gasogi United izakira Etincelles FC kuri Stade ya Bugesera, mu gihe Sunrise FC izaba ikina na AS Muhanga. Ni imikino izakinwa Saa cyenda z’amanywa.

Nsabimana Celestin (uri iburyo bwa Savio) niwe wayobowe uyu mukino nk'umusifuzi wo hagati
APR FC ikomeje gukataza ishaka igikombe cya shampiyona
Police FC ntiyahiriwe n'urugendo kuri iki Cyumweru
Mukura VS yongeye gutsikira itsindwa na Musanze FC 1-0
Mu makipe umunani ya nyuma, Kiyovu Sports yatsindiye Gorilla FC 1-0 ku Mumena

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .