Kwamamaza

APR FC yihimuye kuri Rayon Sports iyinyagira bitatu ku busa (Video)

Yanditswe kuya 16-09-2016 saa 17:17' na IGIHE


APR FC yihimuye kuri Rayon Sports yaherukaga kuyitsinda ubugira kabiri mu mwaka ushize, iyinyagira ibitego bitatu ku busa mu mukino wa 1/2 cy’irushanwa ryateguwe na AS Kigali.

Amateka y’uko nta kipe itsinda indi inshuro zirenze ebyiri hagati y’aba bakeba yamaze kuvaho kuko yaba APR FC yarabikoze ndetse na Rayon Sports ibisubiramo ariko agahigo gashya iyi kipe y’i Nyanza yashakaga gushyiraho ko gutsinda imikino itatu yikurikiranya kakomwe mu nkokora no guhabwa isomo rya ruhago inyagirwa bitatu ku busa imbere y’ibihumbi by’abafana bari bateraniye kuri Stade Amahoro ku mugoroba wo kuri uyu wa Kane, tariki ya 15 Nzeri 2016.

Ibitego bya Patrick Sibomana ‘Pappy’ ku munota wa karindwi, Issa Bigirimana kuwa 15 n’icya Sekamana Maxime kuwa 60, bizahora byibukwa mu mateka ko byabujije Rayon Sports kugera ku mukino wa nyuma w’irushanwa ’AS Kigali Pre-season Tournament’.

Abafana ba Gikundiro bari babukereye bifitiye icyizere ariko ibyishimo baherukaga guhabwa na Rutahizamu Ismaila Diarra abatsindira mukeba ku mukino wa nyuma w’igikombe cy’Amahoro kuri iyi nshuro birabura.

Rayon Sports yatsinzwe umukino wa kabiri nyuma y’amasaha 48, ikozwe mu jisho na mukeba wayo Kiyovu Sports, itsindwa ibitego bibiri kuri kimwe mu mukino wa nyuma mu itsinda.

Inkuru bifitanye isano

- APR yihimuye kuri Rayon Sports isanga Vita Club ku mukino wa nyuma

- Buteera mu bicu, Irambona mu mutuku-Amanota y’abakinnyi kuri Classico y’u Rwanda


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved