Kwamamaza

APR FC yegukanye igikombe itsinze AS Vita Club

Yanditswe kuya 17-09-2016 saa 18:30' na Manzi Rema Jules


Igitego rukumbi cya rutahizamu Twizerimana Onesme cyabonetse ku munota wa 112 w’umukino cyahesheje APR FC kwegukana igikombe mu irushanwa ribanziriza Shampiyona ryateguwe na AS Kigali rimaze iminsi ribera mu Rwanda.

Ni umukino wakinwe ku mugoroba wo kuri uyu wa Gatandatu kuri Stade Amahoro i Remera, amakipe yombi yatangiye acunganwa bikomeye bagerageza gukinira hagati mu kibuga.

Iminota 45 y’igice cya mbere cy’umukino yarangiye nta kipe irebye mu izamu ry’indi ndetse n’uburyo bwagiye buboneka ku mpande zombi ntibwashoboye gutanga umusaruro.

Rutahizamu w’Umunyarwanda ukinira AS Vita Club, Sugira Ernest wahuraga n’ikipe yahozemo mbere yo kwirukanwa akerekeza muri AS Kigali aho yavuye ajya muri Congo nta byinshi yagaragaje kuko n’uburyo yabonye imbere y’izamu yananiwe kububyaza umusaruro.

Mu gice cya kabiri, nta kinini cyahindutse ku mukino ahubwo amakipe yombi yakomeje gucunganwa anyuzamo agasatirana ariko ntibigire icyo bitanga.

Iminota 90 y’umukino yarangiye amakipe yombi anganya ubusa ku busa hitabazwa iminota 30 y’inyongera.

Ku munota wa 22 muri 30 yari yongeweho nibwo ku burangare bwa ba myugariro ba AS Vita Club, abakinnyi ba APR FC bahererekanyije umupira neza,usanga rutahizamu Twizerimana Onesme ahagaze wenyine acenga ab’inyuma ahita atera ishoti rikomeye umunyezamu ashiduka inshundura zanyeganyeze.

APR FC yahawe igikombe ndetse na sheke ifite agaciro ka miliyoni eshanu z’amafaranga y’u Rwanda, mu gihe AS Vita Club yabaye iya kabiri yahawe miliyoni eshatu.

Uyu mukino wa nyuma wabanjirijwe n’uw’umwanya wa gatatu wahuje Rayon Sports na Kiyovu Sports warangiye ikipe y’i Nyanza inyagiye iy’Urucaca ibitego bitatu ku busa, igahita yegukana miliyoni ebyiri z’amafaranga y’u Rwanda.

Mu bindi bihembo byatanzwe, umukinnyi mwiza w’irushanwa yabaye Hakizimana Muhadjili, wa APR FC na ho uwatsinze ibitego byinshi aba rutahizamu wa Rayon Sports Camara watsinze ibitego bitanu, aba bombi bahawe ibihumbi 500 buri wese.

Ikipe ya APR FC yabanje mu kibuga
Ikipe ya AS Vita Club yabanje mu kibuga
Imanishimwe Emmanuel ni umwe mu bakinnyi bigaragaje muri iri rushanwa
Hakizimana Muhadjili yazonze cyane Vita Club hagati mu kibuga
Moussa Camara wa Rayon Sports ni we wahembwe nk'umukinnyi watsinze ibitego byinshi mu irushanwa
Abakinnyi ba Rayon Sports bambikwa imidali y'umwanya wa gatatu
APR FC yegukanye igikombe na miliyoni eshanu z'amafaranga y'u Rwanda
Igikombe amakipe yahataniraga
Umuyobozi w'Umujyi wa Kigali, Mukaruliza Monique ashyikiriza Kapiteni Ngabo Albert igikombe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved