Kwamamaza

APR FC 3-1 Mukura; amakosa y’umunyezamu atumye APR irara ku mwanya wa mbere

Yanditswe kuya 28-10-2016 saa 21:06' na Jah d'eau DUKUZE


Ikipe ya APR FC iraye ku mwanya wa mbere ku rutonde rw’agateganyo rwa shampiyona, ni nyuma yaho amakosa abiri y’umunyezamu atumye Sekamana Maxime atsinda ibitego bibiri mu minota yanyuma y’umukino w’umunsi wa gatatu wa shampiyona wakinwaga kuri uyu wa gatanu.

Ni umukino ikipe ya Mukura yihariye muri rusange mu gice cya mbere gusa ikaza kugira amahirwe make iki kikarangira ari 0-0, nyuma yaho umusifuzi Hakizimana Louis atayihaye penaliti ku makosa abiri yakorewe abakinnyi bayo mu rubuga rw’amahina.

Nubwo ikipe ya Mukura yihariraga umupira ariko, umunyezamu Hassan Jumaine yakomezaga gukora amakosa ya hato na hato yashoboraga kubyara igitego iyo ubusatirizi bwa APR FC buza kumumenya hakiri kare.

Umutoza Okoko Godefroid yari yahisemo gukinisha Jumaine yicaza Mazimpaka André usanzwe abanzamo, nyuma yaho uyu muzamu afatiwe ibihano azira kujya mu kabari nyuma y’umukino batsinzwemo na Etincelles.

Sekamana Maxime yaje kuba umukinnyi w'umukino w'uyu munsi nyuma yo kwinjira mu kibuga asimbuye

Igice cya kabiri cy’umukino cyatangiranye imbaraga ku ikipe ya APR FC, ndetse ku munota wa 47 gusa iza kubona inshundura ubwo Hakizimana Muhadjili yagezaga umupira kwa Blaise Itangishaka maze uyu agatsinda igitego cye cya mbere mu ikipe y’ingabo z’igihugu.

Iki gitego ariko ntabwo cyatinze kwishyurwa, kuko nyuma y’iminota itanu gusa Michel Rusheshangoga yategaga Lewis Harelimana mu rubuga rw’amahina, maze penaliti ivuyemo ikaza kwinjizwa neza na Christophe Ndayishimiye.

Mu gihe Mukura yizeraga ko igiye byibura gucyura inota rimwe muri uyu mukino, umunyezamu wayo yaje kuyikorera amakosa adakorwa, ubwo mu minota ibiri gusa yazaga guhagarara nabi mu izamu, maze Sekamana Maxime akamurunguka ku munota wa 83 n’uwa 85 ari na ko APR FC icyura amanota atatu yose n’intsinzi ya 3-1.

Iyi ntsinzi itumye APR FC irara ku mwanya wa mbere n’amanota arindwi nyuma y’umunsi wa gatatu wa shampiyona, ni mbere y’indi mikino iteganyijwe kuri uyu wa Gatandatu no ku Cyumweru.

Itangishaka Blaise yafunguye amazamu muri uyu mukino
Mukura VS yishimira igitego cya Chrustophe
Sibomana Patrick Papy na we yinjiye mu kibuga asimbuye ahindura umukino

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved