00:00:00 IGIHE NETWORK KN KINYARWANDA EN ENGLISH FR FRANCAIS

Antonio Conte yagizwe Umutoza wa Tottenham

Yanditswe na Bukuru JC
Kuya 2 Ugushyingo 2021 saa 07:33
Yasuwe :
0 0

Uwahoze ari Umutoza Chelsea na Inter Milan, Antonio Conte, ni we wahawe gutoza Tottenham Hotspur yo mu Bwongereza ku masezerano azarangira mu mpeshyi ya 2023.

Iyi kipe yo mu Cyiciro cya Mbere mu Bwongereza, yirukanye Nuno Espirito Santo ku wa Mbere, nyuma y’imikino 17, aho yayisize ku mwanya wa munani muri Shampiyona.

Kuri uyu wa Kabiri, tariki ya 2 Ugushyingo 2021, Tottenham yatangaje ko Antonio Conte ari we uzayitoza kugeza mu mpeshyi ya 2023 ndetse ashobora kongererwa amasezerano.

Umutaliyani Antonio Conte w’imyaka 52 yabaye i Londres ubwo yatozaga Chelsea akayihesha igikombe cya Premier League mu mwaka w’imikino wa 2016/17 mu gihe yirukanywe mu 2018 nyuma yo kuyihesha FA Cup.

Yavuze ko yishimiye kongera kugaruka ku ntebe y’abatoza, aho yagiye gukorana n’ikipe ifite intego.

Ati “Ndishimye cyane. Si njye uzabona ntangiye gukora kugira ngo mfashe ikipe n’abafana kugera ku byiza.”

Conte nta kazi yari afite nyuma yo gutandukana na Inter Milan muri Gicurasi, ni nyuma y’uko yari amaze kuyihesha igikombe cya mbere cya Serie A mu myaka 11.

Umukino we wa mbere uzaba ari uwo Tottenhm izakiramo Vitesse Arnhem yo mu Buholandi ku wa Kane, mu irushanwa rya Europa Conference League mu gihe izakurikizaho Everton ku Cyumweru.

Antonio Conte yagizwe Umutoza wa Tottenham

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .