Angola: Abantu 17 bapfiriye mu muvundo kuri stade, abarenga 50 barakomereka

Yanditswe na Bukuru JC
Kuya 12 Gashyantare 2017 saa 08:57
Yasuwe :
0 0

Shampiyona y’umupira w’amaguru muri Angola yatangiranye amarira menshi, aho abantu 17 bapfiriye mu muvundo kuri stade, 56 barakomereka.

Uyu muvundo wahitanye ubuzima bw’abantu wabaye kuwa Gatanu, tariki ya 10 Gashyantare 2017, kuri stade ya Uige ku mukino wa Santa Rita na Recreativo do Libolo.

Nk’uko RFI tubikesha RFI, mu gihe umukino wari watangiye, abafana babyiganiye ku muryango benshi bashaka kwinjira batishyuye, muri uwo muvundo hapfiramo abantu 17, abandi 56 bagakomereka nk’uko Polisi yabitangaje. Umukino wakomeje, Recreativo atsinda 1-0.

Perezida wa Santa Rita, Pedro Nzolonzi, yashinje Polisi guteza uwo muvundo, avuga ko ariyo itaguye inzira abantu banyuramo.

Perezida wa Angola, José Eduardo dos Santos, yihanganishije imiryango yabuze abayo, asaba ko hakorwa iperereza ku cyateye uwo muvundo, rihita ritangira kuri uyu wa Gatandatu.

Ni kenshi umuvundo ku ma stade wagiye uhitana abafana. Muri 2014, muri Repuburika Iharanaira Demokarasi ya Congo, i Kinshasa ku mukino wa ASV na Tout-Puissant Mazembe, hapfuye abantu 15.

Muri 2009, i Abidjan muri Côte d’Ivoire, abantu 19 bapfiriye mu muvundo ku mukino wa Eléphants (Côte d’Ivoire) na Malawi. Muri 2001 nabo, abafana 127 bapfiriye Accra muri Ghana.

Mu Burayi, hibukwa ibyabereye Heysel muri 1985 ubwo abantu 39 bagwaga mu muvundo ku mukino wa nyuma wa Champions League hagati ya Liverpool na Juventus.

Muri 1989, kumukino w’igikombe cy’u Bwongereza kuri Stade ya Hillsborough, Liverpool ikina na Nottingham Forrest, umuvundo wapfiriyemo abantu 96.

Umubyinano wapfiriyemo abantu , bamwe bashaka kwinjira muri stade batishyuye
Sade ya Uige yitwa (Estadio 4 de Jane) niyo yabayeho umuvundo hapfiramo abantu 17

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza