Amavubi yakoze imyitozo ya nyuma mbere yo kwerekeza muri Mozambique (Amafoto)

Yanditswe na Eric Tony Ukurikiyimfura
Kuya 10 Ugushyingo 2019 saa 04:30
Yasuwe :
0 0

Ikipe y’Igihugu y’u Rwanda (Amavubi), yakoze imyitozo ya nyuma mbere yo gufata indege yerekeza muri Mozambique gukina umukino wa mbere wo mu itsinda F ryo gushaka itike y’igikombe cya Afurika (CAN 2021) kizabera muri Cameroun.

Muri uru rugendo rugana muri Cameroun mu 2021, ikipe y’u Rwanda izaba ihanganye n’iy’igihugu kizakira irushanwa, iya Mozambique ndetse na Cap-Vert.

Amavubi azakirwa na Mozambique Ku wa Kane tariki ya 14 Ugushyingo kuri Zimpeto Stadium i Maputo, ahite agaruka mu Rwanda gukina na Cameroun nyuma y’iminsi itatu tariki ya 17 Ugushyingo i Nyamirambo.

Mu myitozo ya nyuma yabaye kuri iki Cyumweru mu gitondo kuri Stade Amahoro, yibanze cyane ku gutera mu izamu no guhererekanya kugira ngo barusheho kumenyerana.

Ni imyitozo itarimo Bizimana Djihad ukina mu Bubiligi, we uzahurira na bagenzi be muri Mozambique.

Umutoza w’ikipe y’igihugu, Mashami Vincent yavuze ko abakinnyi bose bameze neza ndetse afite icyizere ko muri Mozambique bazitwara neza.

Ati” Ni ikipe nziza, twagiye kubahamagara tubizeye kuko turabakurikirana umunsi ku munsi, yaba abakina hano n’abakina hanze. Abo tumaranye iminsi n’abaje nyuma bose bameze neza. Turizera ko aho tugiye bizatugendekera neza.”

Amavubi arahaguruka ku kibuga cy’indege cya Kigali i Kanombe saa 00:00 z’ijoro.

Muri iyi mikino y’amatsinda, u Rwanda ruzaba rusabwa kuba urwa mbere cyangwa rukaba urwa kabiri mu gihe Cameroun yaza imbere kuko hazazamuka ikipe imwe muri itsinda F (kuko Cameroun ifite itike).

Abakinnyi bahamagawe hitegurwa iyi mikino

Abanyezamu: Ndayishimiye Eric (AS Kigali), Kimenyi Yves (Rayon Sports), Habarurema Gahungu (Police FC) na Mvuyekure Emery (Tusker FC, Kenya).

Ba myugariro: Manzi Thierry (APR FC), Fitina Omborenga (APR FC), Imanishimwe Emmanuel (APR FC), Rutanga Eric (Rayon Sports), Mutsinzi Ange (APR FC), Bayisenge Emery (Saif Sporting Club, Bangladesh), Rwatubyaye Abdul (Colorado Rapids, USA) na Nirisarike Salomon (Pyunik FC, Armenie).

Abakina hagati: Niyonzima Haruna (AS Kigali), Iranzi Jean Claude (Rayon Sports), Niyonzima Ally (Oman), Niyonzima Olivier (APR FC), Nsabimana Eric (AS Kigali), Muhire Kevin (Misr El Makkasa, Misiri), Bizimana Djihad na (Waasland Beveren, Mu Bubligi) na Manishimwe Djabel (APR FC).

Ba rutahizamu: Mico Justin (Police FC), Usengimana Danny (APR FC), Kagere Meddie (Simba SC, Tanzania), Tuyisenge Jacques (Pétro Atletico, Angola), Hakizimana Muhadjiri (Emirates Club, EAU), Iyabivuze Osée (Police FC) na Sibomana Patrick (Young Africans, Tanzania).

Amavubi yakoreye imyitozo ya nyuma kuri Stade Amahoro kuri iki Cyumweru
Imanishimwe Emmanuel ahanganye umupira na Iyabivuze Osee muri iyi myitozo yabaye mu mvura
Manishimwe Djabel na we yitabiriye umwiherero w'ikipe y'igihugu nubwo yari yagize imvune ku wa Gatanu
Kimenyi Yves na we agerageza gutsinda mu myitozo
Kapiteni w'Amavubi, Niyonzima Haruna yitegura gutera umupira ubwo abakinnyi b'Amavubi baterega imipira iteretse mu myitozo
Hakizimana Muhadjiri yageze mu Mavubi ejo hashize
Meddie Kagere yitezweho ibitego muri Mozambique
Rwatubyaye Abdul azaba ayoboye ubwugarizi bw'Amavubi
Sibomana Patrick amaze iminsi yitwara neza muri Young Africans yo muri Tanzania
Umutoza wungirije w'Amavubi Seninga Innocent
Iranzi Jean Claude mu myitozo yo kuri iki Cyumweru
Tuyisenge Jacques atera umupira mu izamu
Muhire Kevin na we ari mu bakinnyi 11 bakina hanze, bitabajwe mu Mavubi
Mico Justin ukinira Police FC, mu myitozo yabaye mu gitondo
Amavubi azakina imikino ibiri yo mu itsinda F mu cyumweru gitaha
Muhire Kevin atsindisha umutwe
Usengimana Danny mu myitozo ya nyuma y'Amavubi
Habarurema Gahungu wa Police FC, ni umwe mu banyezamu batatu bahamagawe
Umutoza w'Amavubi Mashami Vincent
Mutsinzi Ange ni umwe mu bakinnyi bahagaze neza bakina inyuma

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza