00:00:00 IGIHE NETWORK KN KINYARWANDA EN ENGLISH FR FRANCAIS

Amavubi U-23 na Scandinavia WFC zikuye mu marushanwa ya CECAFA

Yanditswe na Eric Tony Ukurikiyimfura
Kuya 9 Nyakanga 2021 saa 07:30
Yasuwe :
0 0

Ikipe y’Igihugu y’Abatarengeje imyaka 23 yari kwitabira irushanwa rya CECAFA ryari kubera muri Ethiopia hagati ya tariki ya 17 n’iya 31 Nyakanga 2021 ndetse na Scandinavia WFC yari kwitabira imikino yo gushaka itike yo gukina CAF Women Champions League, zose zikuye muri iyo mikino kubera ubwiyongere bw’ubwandu bwa COVID-19 mu Rwanda no mu Karere.

Kuri uyu wa Gatanu, tariki ya 9 Nyakanga 2021, ni bwo Ishyirahamwe ry’Umupira w’Amaguru mu Rwanda, ryashyize ahagaragara ibaruwa igenewe abanyamakuru, ivuga ko aya makipe yombi yari guhagararira igihugu mu mahanga, atacyitabiriye.

Ryagize riti “Bitewe n’ubwiyongere bwa COVID-19 mu Rwanda n’akarere ruherereyemo by’umwihariko, bikajyana n’uko haba haramaze kugaragara ubwoko bwa COVID-19 yihinduranyije bwa ‘Delta’;”

“Hashingiwe kandi ku ngamba nshya ziheruka gushyirwaho na Guverinoma zerekeye gukumira COVID-19 zirimo gufunga ibikorwa bimwe mu gihugu no guhagarika ibikorwa by’imikino abantu bakina bakoranaho ndetse hagahagarikwa ingendo hagati y’intara n’Umujyi wa Kigali.”

FERWAFA yakomeje ivuga ko yamenyesheje CECAFA ko Amavubi U-23 atazitabira imikino izabera muri Ethiopia hagati ya tariki ya 17 n’iya 31 Nyakanga mu gihe kandi na Scandinavia WFC itazitabira imikino yo gushaka itike ya CAF Women Champions League muri Zone ya CECAFA, izaba hagati ya tariki ya 17 n’iya 31 Nyakanga 2021 muri Kenya.

Guhagarika kwitabira aya marushanwa bije bikurikira ihagarikwa ry’amarushanwa y’imbere mu gihugu haba muri Basketball na Volleyball.

Amavubi yari amaze iminsi akora imyitozo kuri Stade Amahoro, aho mu bakinnyi bari bitabiriye umwiherero harimo n’abavuye i Burayi.

Muri tombora yabaye ku wa Gatatu, Scandinavia WFC yari yisanze mu itsinda rya Gatatu (C) aho iri kumwe na FAD yo muri Djibouti na Vihiga Queens yo muri Kenya.

FERWAFA yatangaje ko Amavubi-23 atazitabira irushanwa rya CECAFA muri Ethiopia
Scandinavia WFC na yo ntizitabira imikino yo gushaka itike ya CAF WCL muri Zone ya CECAFA

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .