Amavubi agiye kongera guhura n’Ibirwa bya Comores mu irushanwa rya COSAFA

Yanditswe na Jah d’eau Dukuze
Kuya 28 Ukwakira 2016 saa 07:15
Yasuwe : XX
0

Ikipe y’igihugu y’umupira w’amaguru y’abatarengeje imyaka 20 yisanze mu itsinda rimwe n’Ibirwa bya Comores mu irushanwa rya COSAFA yatumiwemo kuzitabira hagati y’amatariki ya 7 na 16 Ukuboza 2016.

Amavubi U 20, yatumiwe muri iri rushanwa rihuza amakipe y’abatarengeje imyaka 20 gusimbura ikipe ya Madagascar yegukanye iki gikombe mu mwaka wa 2005 ariko ikaza kwikura mu ry’uyu mwaka ku munota wa nyuma.

Uretse irushanwa ryo muri Afurika y'epfo, Amavubi U 20 azanerekeza muri Marooc

Mu itangazo ryashyizwe hanze n’umuyobozi wa COSAFA ushinzwe amarushanwa Timothy Shongwe, yatangaje ko bishimiye ko iri rushanwa rigiye kuba cyane ko hari abakiri bato benshi ryahaye umwanya wo kwigaragaza bakagera ku rundi rwego.

"COSAFA yishimiye kuba igiye gutegura iri rushanwa ry’uyu mwaka rifite intego yo kuzamura abana bo muri aka karere. Turashimira abaterankunga bose badufashije kugira ngo iri rushanwa ribe.

Muri tombola yaraye ibereye muri Afurika y’Epfo ku mugoroba, yasize itsinda rya mbere rigiyemo Afurika y’Epfo iri mu rugo inafite igikombe giheruka, ikabamo Lesotho na Botswana.

Itsinda rya kabiri ririmo Zambia, Malawi na Zimbabwe mu gihe irya gatatu ririmo amakipe ya Angola, Namibia, Seychelles n’Ibirwa bya Maurice.

Itsinda rya nyuma ni ryo riherereyemo Amavubi aho agomba guhatana n’ibirwa bya Maurice hamwe na Mozambique.

Nkuko COSAFA ibitangaza, amakipe yose agomba guhura hagati yayo mu matsinda, maze ibaye iya mbere akaba ari yo izamuka muri 1/2 cy’irangiza. Amavubi ariko naramuka abaye aya mbere mu itsinda, bizayasaba no kongera kwisobanura n’ikipe yabaye iya mbere mu itsinda rya kabiri, kugira ngo nibura imikino ya 1/2 ijye kuba buri kipe iyigiyemo yarakinnye imikino itatu.

Imikino yo mu matsinda izakinwa hagati y’amatariki ya 7 na 13 Ukuboza mu gihe iya 1/2 izakinwa tariki ya 14/12/2016. Nyuma y’umunsi w’ikiruhuko, umukino wa nyuma hamwe n’uwo guhatanira umwanya wa gatatu, bizakinwa tariki ya 16/12/2016.

Iyi mikino ihuza ibihugu byo muri Afurika y’Amajyepfo, Zambia ni cyo gihugu kimaze kwegukanamo ibikombe byinshi aho imaze kugitwara inshuro 10 Zimbabwe igitwara gatandatu na ho Afurika y’Epfo icyegukana inshuro eshanu.

Amavubi yaherukaga mu kibuga asezererwa na Misiri mu gushaka itike y'igikombe cya Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza