00:00:00 IGIHE NETWORK KN KINYARWANDA EN ENGLISH FR FRANCAIS

Amakuru asubiza Cristiano Ronaldo muri Real Madrid yamaganiwe kure

Yanditswe na Bukuru JC
Kuya 17 Kanama 2021 saa 08:38
Yasuwe :
0 0

Umutoza wa Real Madrid, Carlo Ancelotti, yamaganye amakuru avuga ko Cristiano Ronaldo ashobora kuyisubiramo nyuma y’imyaka itatu amaze ayivuyemo akerekeza mu Butaliyani.

Cristiano Ronaldo w’imyaka 36, asigaranye amezi 10 ku masezerano afitanye na Juventus yo mu Butaliyani. Amakuru menshi avuga ko ashobora gusubira muri Real Madrid.

Andi makipe agarukwaho ko uyu mukinnyi ashobora kwerekezamo ni Paris Saint-Germain yo mu Bufaransa na Manchester City yo mu Bwongereza.

Gusa, mu buryo butamenyerewe, umutoza wa Real Madrid, Carlo Ancelotti, yifashishije Twitter mu kunyomoza ayo makuru kuri uyu wa Kabiri.

Ati “Cristiano Ronaldo ni umunyabigwi wa Real Madrid, ndamukunda kandi ndamwubaha. Sinigeze ntekereza kumusinyisha. Reka turebe ibiri imbere. #HalaMadrid.”

Ubu butumwa bwa Ancelotti bwasaga naho busubiza ibyavugiwe mu kiganiro El Chiringuito cya televiziyo yo muri Espagne, yatangaje ku wa Mbere ko Ronaldo ashobora gusubira muri Real Madrid nyuma yo kugurwa na Juventus miliyoni 99,2£ mu myaka itatu ishize.

Ronaldo yageze muri Real Madrid avuye muri Manchester United muri Nyakanga 2009 ndetse yatsindiye iyi kipe yo muri Espagne ibitego 450 mu mikino 438 yayikiniyemo mu myaka icyenda.

Yayifashije kandi kwegukana UEFA Champions League enye n’ibikombe bibiri bya La Liga. Champions League imwe muri zo, yayitwaranye na Ancelotti wari umutoza.

Amakuru atandukanye ku hazaza ha Cristiano Ronaldo yatangiye kwiyongera kuva umunsi Lionel Messi yavuye muri FC Barcelone, akerekeza muri Paris Saint-Germain yasinyiye imyaka ibiri.

Carlo Ancelotti yanyomoje amakuru asubiza Cristiano Ronaldo muri Real Madrid
Cristiano Ronaldo asigaranye amezi 10 ku masezerano afitanye na Juventus de Turin

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .