Kwamamaza

Amakipe yo muri Congo atakitabiriye irushanwa rya AS Kigali yamaze gusimbuzwa

Yanditswe kuya 2-09-2016 saa 12:26' na Manzi Rema Jules


Ikipe ya Police FC na Kiyovu Sports zamaze kwiyongera ku makipe azakina irushanwa ryateguwe na AS Kigali asimbuye Sanga Balende na Darling club Motema Pembe zo muri Congo Kinshassa zitazabonye.

Iri rushanwa riteganyijwe gutangira tariki 6 Nzeli 2016 rizitabirwa n’amakipe atandatu yo mu Rwanda arimo APR FC, Rayon Sports, Mukura VS, Police FC na Kiyovu Sports ndetse n’abiri yo muri Congo Kinshassa ariyo AS Vita Club na Dophin Noirs.

Rigamije gufasha amakipe kureba uko abakinnyi bahagaze mbere y’uko amashampiyona atangira rishobora kuzajya riba ngarukamwaka nk’uko Nshimiye Joseph, ’Team manager’ wa AS Kigali ari na yo izajya iritegura abitangaza.

Uretse rutahizamu Sugira Ernest wahoze akinira AS Kigali kuri ubu akaba yarerekeje muri AS Vita Club, abafana ntibazabona ba rutahizamu babiri bakiniraga Rayon Sports umwaka ushize, Ismaila Diarra na Davis Kasirye bari kuzagaragara mu ikipe yabo nshya ya Darling club Motema Pembe.

Aya makipe yamaze no gushyirwa mu matsinda abiri aho APR FC yisanze mu itsinda rimwe na AS Vita Club ndetse na AS Kigali yayipfubirije ibirori ubwo yegukanaga igikombe cya shampiyona cy’umwaka ushize ariko ku mukino wa nyuma igatsindwa n’iyi kipe ya Eric Nshimiyimana ibitego 2-1.

Itsinda A: APR FC, Vita Club, Dauphins Noirs na AS Kigali.

Itsinda B: Rayon Sports, Police FC, Mukura na Kiyovu Sports.

Ikipe ya Police FC
Ikipe ya Kiyovu Sports

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 25 September 2016
Copyright © 2009 -2014 - IGIHE Ltd - All Rights Reserved