00:00:00 IGIHE NETWORK KN KINYARWANDA EN ENGLISH FR FRANCAIS

Amakipe umunani ahataniye kuzamuka mu Cyiciro cya Mbere yamenyekanye

Yanditswe na Bukuru JC
Kuya 1 Ukwakira 2021 saa 10:00
Yasuwe :
0 0

Nyuma y’imikino isoza amatsinda y’Icyiciro cya Kabiri yakinwe ku wa Kane, amakipe umunani azakina ¼ yamaze kumenyekana, aho arimo Gicumbi FC, Amagaju FC, Heroes FC na Kirehe FC ziheruka mu Cyiciro cya Mbere.

Imikino y’Icyiciro cya Kabiri yatangiye itinze ku wa 18 Nzeri kubera ingamba zo kwirinda ikwirakwira rya COVID-19, yagombaga kwitabirwa n’amakipe 20 agabanyijwe mu matsinda ane, ariko Gasabo United yikura mu irushanwa, Itsinda A risigaramo amakipe ane.

Imikino y’amatsinda yasojwe ku wa Kane, yasize amakipe abiri ya mbere muri buri tsinda ari yo abonye itike ya ¼ ndetse iyi mikino yo gukuranamo izatangira ku Cyumweru tariki ya 3 Ukwakira mu gihe iyo kwishyura izaba tariki ya 6 Ukwakira 2021.

Amakipe yakomeje mu Itsinda A ni Amagaju FC na Heroes FC, mu Itsinda B hakomeje Gicumbi FC na Rugende FC, mu Itsinda C hakomeje Vision FC na Vision Jeunesse Nouvelle mu gihe mu Itsinda D hakomeje Etoile de l’Est na Kirehe FC.

Amagaju FC na Kirehe FC zamanutse mu Cyiciro cya Kabiri mu mwaka w’imikino wa 2018/19 mu gihe Gicumbi FC na Heroes FC zamanutse mu mwaka w’imikino wa 2019/20.

Amakipe azarenga muri iki cyiciro ni yo azakomeza muri ½ ari na cyo kizagena amakipe abiri agomba kuzamuka muri Shampiyona y’Icyiciro cya Mbere ya 2021/22 izatangira ku wa 30 Ukwakira 2021.

Uko amakipe azahura muri ¼

  • Amagaju FC vs Vision Jeunesse Nouvelle
  • Vision FC vs Heroes FC
  • Gicumbi FC vs Kirehe FC
  • Etoile de l’Est vs Rugende FC
Heroes FC ni imwe mu makipe umunani ahataniye kuzamuka mu Cyiciro cya Mbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .