00:00:00 IGIHE NETWORK KN KINYARWANDA EN ENGLISH FR FRANCAIS

Algeria na Côte d’Ivoire byisanze mu itsinda rimwe muri CAN 2021 (Uko tombola yagenze)

Yanditswe na Eric Tony Ukurikiyimfura
Kuya 17 Kanama 2021 saa 11:12
Yasuwe :
0 0

Tombola y’uburyo amakipe azaba agabanyije mu matsinda y’Igikombe cya Afurika cya 2021 kizabera muri Cameroun, yasize Algeria ifite igikombe giheruka, izaba iri kumwe na Côte d’Ivoire, Sierra Léone na Guinée Equatoriale mu itsinda E.

Iyi tombola yabaye ku mugoroba wo kuri uyu wa Kabiri i Yaoundé muri Cameroun mu gihe habura amezi ane kugira ngo irushanwa nyir’izina ritangire.

Igikombe cya Afurika cya 2021 kizabera muri Cameroun kuva tariki ya 9 Mutarama kugeza ku wa 6 Gashyantare 2022, mu Mijyi irimo Douala, Yaoundé (Stade d’Olembé na Stade Ahmadou Ahidjo), Bafoussam, Garoua na Limbé.

Tombola yasize Cameroun izaba iri kumwe na Burkina Faso, Ethiopie na Cap-Vert mu itsinda A mu gihe Algeria igite igikombe giheruka izaba iri kumwe na Côte d’Ivoire, Sierra Leone na Guinée Equatoriale mu itsinda E.

Nigeria na Misiri byisanzwe hamwe mu itsinda D mu gihe Sénégal yatsindiwe ku mukino wa nyuma mu 2019, iri kumwe na Guinea mu itsinda B.

Amakipe abiri ya mbere muri buri butsinda (mu matsinda atandatu) n’andi ane ya gatatu yitwaye neza, ni yo azabona itike yo gukomeza muri 1/8.

Amatsinda ya CAN 2021:

  • Itsinda A: Cameroun, Burkina Faso, Ethiopie, Cap-Vert.
  • Itsinda B: Sénégal, Zimbabwe, Guinée, Malawi.
  • Itsinda C: Maroc, Ghana, Comores, Gabon.
  • Itsinda D: Nigeria, Egypte, Soudan, Guinée Bissau.
  • Itsinda E: Algérie, Sierra Léone, Guinée Equatoriale, Côte d’Ivoire.
  • Itsinda F: Tunisie, Mali, Mauritanie, Gambie.
Algeria ni yo ifite Igikombe cya Afurika giheruka gukinirwa mu 2019

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .