Kwamamaza

Akazi Cassa na Didier Gomes bahataniraga muri Kenya kahawe Umwongereza

Yanditswe kuya 19-10-2016 saa 17:07' na Manzi Rema Jules


Umunyarwanda Cassa Mbungo André n’Umufaransa Didier Gomes da Rosa bari batoranyijwe mu batoza batandatu bagombaga kuvamo uhabwa Ikipe ya AFC Leopards yo muri Kenya, byarangiye babuze aka kazi gahabwa Stewart Hall wigeze gutoza Sofapaka na Azam FC.

Mu nama yahuje abayobozi ba AFC Leopards kuri uyu wa Gatatu, bemeje ko Umwongereza Stewart Hall ari we ugiye gusimbura Ivan Minnaert wirukanywe mu kwezi gushize.

Umunyamabanga w’iyi kipe, Oscar Igaida yabwiye ikinyamakuru Goal ko uyu mutoza azatangira imirimo ye muri iyi kipe idahagaze neza muri shampiyona tariki 01 Ugushyingo 2016 nyuma y’umuhango wo kumwerekana ku mugaragaro uzaba mu cyumweru gitaha.

Ati “Twamaze guhitamo Stewart Hall nk’umutoza wacu mushya usimbura Ivan Minnaert. Inama y’ubuyobozi yemeranyijwe ko ari we mwiza mu rutonde yari yagejejweho. Amasezerano ye y’imyaka ibiri azatangira tariki ya 01 Ugushyingo 2016, byitezwe ko azagera mu gihugu (Kenya) mu cyumweru gitaha kugira ngo yerekanwe.”

Stewart Hall yari ahanganye n’abatoza barimo Umugande Sam Timbe, Umunyarwanda Cassa Mbungo André, Umufaransa watoje Rayon Sports, Didier Gomes da Rose n’abandi.

Uyu mutoza arasabwa gufasha iyi kipe ikunzwe cyane muri Kenya kuva ku mwanya wa 12 iriho n’amanota 30 mu mikino 26 imaze gukinwa, aho irushwa amanota 21 na Tusker FC ya mbere ifite 51.

Umwaka ushize, Stewart Hall yari yahesheje Azam FC yo muri Tanzania igikombe cya Cecafa Kagame Cup, gusa nyuma yaje kwirukanwa muri iyi kipe, kugeza ubu nta kandi kazi yari afite.

Amahirwe ya Cassa yo kubona akazi yayoyotse akazi gahabwa Stewart Hall

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved