00:00:00 IGIHE NETWORK KN KINYARWANDA EN ENGLISH FR FRANCAIS

Abangavu b’u Rwanda bongeye kunyagirwa n’aba Ethiopia, basezererwa ku bitego 8-0 (Amafoto)

Yanditswe na IGIHE
Kuya 6 Ukwakira 2021 saa 09:07
Yasuwe :
0 0

Ikipe y’Igihugu y’Abakobwa batarengeje imyaka 20 mu mupira w’amaguru, yasezerewe n’iya Ethiopia ku giteranyo cy’ibitego 8-0 mu mikino yombi, ni nyuma yo gutsindwa 4-0 mu wo kwishyura w’ijonjora rya kabiri ryo gushaka itike y’Igikombe cy’Isi cya 2022 wabereye i Bahir Dar kuri uyu wa Gatatu.

Muri uru rugendo rugana muri Costa Rica mu 2022, u Rwanda rwahuye na Ethiopia nyuma yo kwikura mu marushanwa kwa Sudani y’Epfo rwari guhura na yo mu ijonjora rya mbere.

Igice cya mbere cy’umukino wabaye kuri uyu wa Gatatu, cyarangiye Ethiopia yatsinze ibitego 2-0 byinjijwe na Messay Temesgen ku munota wa 34 ndetse na Tourist Lemma habura iminota ibiri ngo amakipe yombi ajye kuruhuka.

Gutungurwa gukomeye kwabaye ubwo Aregasha Kalsa yatsindaga ikipe y’umutoza Nyinawumuntu Grace ibitego byikurikiranya ku munota wa 57 n’uwa 69.

Gutsinda uyu mukino byahesheje Ethiopia gukomeza ku giteranyo cy’ibitego 8-0. Mu mukino ubanza wari wabereye i Kigali mu mpera z’ukwezi gushize, na bwo yari yatsinze ibitego 4-0.

Nyuma yo gusezerera u Rwanda, Ethiopia izahura n’ikipe izakomeza hagati ya Angola na Botswana mu ijonjora rya gatatu.

Abakinnyi babanje mu kibuga ku ruhande rwa Ethiopia yari yakiriye umukino
Ikipe y'Igihugu y'Abangavu iririmba "Rwanda Nziza"
Abakapiteni b'amakipe yombi bifotozanya n'abasifuzi
Abanyarwandakazi ntiborohewe muri uyu mukino wabereye i Bahir Dar
Abanya-Ethiopia bishimira kimwe mu bitego byabonetse muri uyu mukino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .