Kwamamaza

Abakinnyi birukanywe na Rayon Sports baheze mu gihirahiro

Yanditswe kuya 1-09-2016 saa 18:16' na Manzi Rema Jules


Abakinnyi bane barimo Moses Kanamugire, Mugenzi Cedrick, Ndacyayisenga Alexis na Musoni Théophile birukanywe ya Rayon Sports mu byumweru bitatu bishize bakomeje kubura ayo bacira n’ayo bamira kuko iyi kipe yabatangarije ko batakiri abakinnyi bayo ariko yanga kubaha amabaruwa abemerera kujya mu yandi makipe yabifuzaga.

Mu gihe isoko ryo kugura no kugurisha abakinnyi mu Rwanda biteganyijwe ko rifunga tariki 15 Nzeli, abakinnyi birukanywe muri Rayon Sports nyuma y’aho umutoza Masoudi Djuma atangaje ko atababona muri hagunda ze, bakomeje guhera mu gihirahiro kuko ubuyobozi bwanze kubaha ibyo bubagomba nk’abakozi birukanywe ndetse bunabima ibaruwa (release letter) ibemerera kuba bashaka andi makipe.

Umwe muri aba bakinnyi yabwiye IGIHE ko bamaze ibyumweru bibiri barirukanywe mu myitozo ya Rayon Sports.

Yagize ati “Ubu nta myitozo ndimo gukora, ibyumweru bitatu birashize batwirukanye ariko ntibashaka ko tujya mu makipe adushaka. Iyo tubajije ubuyobozi bavuga ko hari ibyo bakigaho ariko urumva amakipe yadushakaga arimo kwigurira abandi, nonese twe tuzajya he? Rayon ni ikipe nziza nakundaga pe ariko niba babona ntagishoboye kuki batareka ngo nshake ahandi aho kunyicira ejo hazaza gutya.”

Mu kiganiro na IGIHE, Umunyamabanga wa Rayon Sports, Gakwaya Olivier, yavuze ko aribyo abakinnyi basezerewe batarahabwa ibyo bagenerwa n’amategeko ariko ko birimo kwigwaho ku buryo byakemuka mbere y’uko isoko ryo kugura no kugurisha rifungwa.

Yagize ati “Hari ibyo tukigaho kugira ngo turebe niba bagenda cyangwa twabatiza ahandi. Kuba umutoza yaravuze ko abona badahura n’abo yifuza ntibivuze ko bagomba guhita bagenda, ushobora gusanga hari uwahawe amafaranga y’ikipe akaba yaragize uruhare mu gusezererwa ashaka kujya ahandi. Ni yo mpamvu tugomba kubanza tukareba icyo amategeko ateganya byaba na ngombwa tukabatiza ku buryo bazagaruka.”

Gakwaya avuga ko aba bakinnyi uko ari bane bemerewe gushaka amakipe noneho yabashima, yo akaza kuvugana na Rayon Sports akabagura cyangwa bakagira ibindi bumvikana.

Mugenzi Cedrick (wambaye agatambaro ku kuboko) ni umwe mu bakinnyi birukanywe na Rayon Sports

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved