Abakinnyi batandatu basezerewe mu Mavubi

Yanditswe na Ishimwe Israel
Kuya 29 Kanama 2016 saa 10:56
Yasuwe :
0 0

Abakinnyi batandatu basezerewe mu ikipe y’igihugu, Amavubi yitegura gukina na Ghana mu mikino yo gushaka itike yo kujya mu gikombe cya Afurika kizabera muri Gabon umwaka utaha.

Abakinnyi barimo Iradukunda Eric (AS Kigali), Niyonzima Olivier Sefu(Rayon Sports), Nsabimana Aimable(APR FC), Habimana Yussuf (Mukura VS), Nkinzingabo Fiston(APR FC) n’umuzamu Hategikimana Bonheur (SC Kiyovu) basezerewe nyuma yuko abakinnyi bakina hanze y’u Rwanda batangiye kugera mu mwiherero wo kwitegura umukino uteganyijwe ku wa 3 Nzeli 2016.

Sugira Ernest wa AS Vita Club yo muri Congo ndetse na Mugiraneza Jean Baptiste Migi ukinira Azam FC yo muri Tanzania bamaze gusanga bagenzi babo mu myitozo.

Kuri uyu wa Mbere biteganyijwe ko Kapiteni w’ikipe y’igihugu, Haruna Niyonzima ukinira Yanga Africans yo muri Tanzania ndetse Jacques Tuyisenge ukinira Gor Mahia yo muri Kenya barara bageze i Kigali.

Mashami Vincent(ibumoso) na Jimmy Mulisa barakomeza imyitozo bashaka abakinnyi 18 bazajyana muri Ghana
Niyonzima Olivier Sefu wambaye nimero gatanu na Hategekimana Bonheur wambaye 12 basezerewe mu mavubi
Nsabimana Aimable(inyuma ibumoso) na Nkinzingabo Fiston umuri imbere bose ba APR FC ni ku nshuro ya mbere bari bahamagawe mu mavubi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza