Kwamamaza

Abakinnyi baratabaza Ferwafa ibishyurize amafaranga bambuwe na Gicumbi FC

Yanditswe kuya 19-09-2016 saa 09:22' na Manzi Rema Jules


Abakinnyi bakiniye Gicumbi FC umwaka ushize bakaza kwerekeza mu yandi makipe bandikiye Ishyirahamwe ry’Umupira w’amaguru mu Rwanda, Ferwafa barisaba kubafasha kwishyuza amafaranga y’ibirarane by’imishahara y’amezi ane iyi kipe ibabereyemo.

Umwaka ushize w’imikino, Gicumbi FC ni imwe mu makipe yagiye agaragaramo ibibazo by’ubushobozi birimo kudahembera ku gihe byatumye abakinnyi banandika bavuga ko batazasubira mu kibuga mu gihe batarahabwa imishahara.

Ubuyobozi bw’ikipe ndetse n’Akarere ka Gicumbi bakoze inama babizeza ko amafaranga yabo azaboneka bitarambiranye nabo bemera kuva ku izima barakina kugeza shampiyona irangiye.

Mu gihe hasigaye ukwezi kumwe kugira ngo shampiyona y’undi mwaka w’imikino 2016-2017 itangire, abakinnyi bagera kuri 13 bakiniraga iyi kipe bashyize umukono ku nyandiko isaba Ferwafa kubafasha kubishyuriza amafaranga y’ibirarane by’amezi ane ubuyobozi bwa Gicumbi FC bwanze kubishyura.

Iyo nyandiko IGIHE ifitiye kopi itangira igira iti "Bwana muyobozi mukuru w’Ishyirahamwe ry’umupira w’amaguru mu Rwanda tunejejwe no kubandikira tubasaba kuturenganura."

"Bwana muyobozi wa Fédération y’umupira w’amaguru tubandikiye tubasaba kuturenganura mu kibazo dufitanye n’ikipe ya Gicumbi FC cy’umwaka w’imikino 2015-2016. Harimo ibirarane by’amezi ane atarishyuwe muri uwo mwaka hakaba harabaye ikibazo cyo guhemba bamwe basigaye mu ikipe abarangije amasezerano ntibahembwa kandi barakoreye hamwe."

Mu kiganiro Umuyobozi wa Ferwafa, Nzamwita Vincent de Gaulle yagiranye na IGIHE yavuze ko iyo babonye inyandiko nk’iyi isaba kurenganurwa ku kibazo cy’ibirarane babanza kwegera ikipe bakayisaba kurangiza ikibazo mu bwumvikane iyo byanze umwanzuro wa nyuma ngo ni ugufatira amafaranga yari igenewe ava ku muterankunga AZAM akaba ariyo akoreshwa mu kwishyura.

Umunyamabanga wa Gicumbi FC,Antoine Dukuzumuremyi yabwiye IGIHE ko ikipe yamaze kwishyura abakinnyi bagaragaje ko bifuza kugenda keretse bake bataraza ngo bagaragaze ahazaza habo mu ikipe.

Ati "Nta mukinnyi dufitiye ibirarane by’amezi ane. Kugeza ubu ni abakinnyi batarenze bane dufitiye ibirane by’amezi atatu kandi ni uko bataraza ngo basobanure niba bazakomeza gukinira Gicumbi FC cyangwa bazajya ahandi tubone kureba icyo amasezerano yabo avuga dutandukane neza."

Dukuzumuremyi yakomeje avuga ko iyo nyandiko abakinnyi banditse na we yayibonye ariko agahamya ko ari umwe muri bo wayihimbye kuko mu mazina yanditse harimo abo ikipe yamaze guha ibyangombwa bibemerera gusohoka mu ikipe bemeranyijwe ko nta kibazo kindi bafitanye bityo akaba atumva uburyo bagaruka bishyuza ibirarane bidahari.

Bamwe mu bakinnyi bahoze bakina muri Gicumbi FC bitabaje Ferwafa ngo ibafashe kurenganurwa
Ibaruwa yanditswe n'abakinnyi bishyuza Gicumbi FC
Abakinnyi 13 bashyize umukono kuri iyi baruwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved