Kwamamaza

Abakinnyi 18 Jimmy Mulisa ashobora kujyana muri Ghana

Yanditswe kuya 31-08-2016 saa 09:53' na IGIHE


Kuri uyu wa Gatatu, Umutoza w’Ikipe y’Igihugu, Amavubi Jimmy Mulisa aratangaza urutonde ndakuka rw’abakinnyi 18 bazakina na Ghana tariki 3 Nzeli 2016 mu gushaka itike yo kujya mu gikombe cya Afurika kizabera muri Gabon 2017.

Nyuma y’icyumweru n’iminsi ibiri, abakinnyi bamaze mu mwiherero, abagera kuri 18 bagomba gushyirwa ahagaragara ku mugoroba wo kuri uyu wa 31 Kanama 2016. Abafite amahirwe menshi yo guhamagarwa ni abitwaye neza mu myitozo, ndetse n’abafite ubunararibonye mu marushanwa mpuzamahanga.

Umukino w’Amavubi uzaba ugamije kurwanira ishema ry’igihugu gusa no gushaka amanota yatuma u Rwanda ruzamuka ku rutonde ngarukakwezi rwa FIFA kuko amahirwe yo kujya muri CAN yo yamaze kuyoyoka.

Mu bakinnyi 26 bari bahamagawe na Kanyankore Gilbert Yaoundé na Eric Nshimiyimana mbere y’uko birukanwa bataratangira no gukoresha imyitozo, Jimmy Mulisa wabasimbuye amaze gusezereramo batandatu ahamagara bane bashya.

Mu bakinnyi Jimmy Mulisa yongeye mu Mavubi batari bahamagawe barimo Munezero Fiston wa Rayon Sports, umuzamu Nzarora Marcel wa Police FC, Innocent Habyarimana wa APR FC na myugariro wa AS Kigali Kayumba Soter.

Kuwa Mbere w’iki cyumweru, Jimmy Mulisa yasezereye abakinnyi batandatu barimo Iradukunda Eric (AS Kigali), Niyonzima Olivier Sefu (Rayon Sports), Nsabimana Aimable (APR FC), Habimana Yussuf (Mukura VS), Nkinzingabo Fiston (APR FC) n’umuzamu Hategikimana Bonheur (SC Kiyovu) avuga ko bari ku rwego rwo hasi.

Kugeza ubu, mu mwiherero w’Amavubi harimo abakinnyi 24 kuko hamaze kwiyongeramo bane bakina hanze barimo kapiteni Haruna Niyonzima ukinira Yanga Africans, Jacques Tuyisenge wa Gor Mahia, Mugiraneza Jean Baptiste Migi wa AZAM FC na Sugira Ernest wa AS Vita Club yo muri Congo.

Nyuma yo gukurikirana imyitozo itandukanye yaba iyabereye kuri stade ya Kigali mu minsi ine ya mbere na nyuma batangiye gukorera kuri Stade Amahoro, IGIHE yatoranyije abakinnyi 18 bashobora kuzajya muri Ghana bitewe n’uko bitwaye muri iyo myitozo.

Urutonde rw’abakinnyi 18 bashobora kwerekeza muri Ghana

Abazamu: Ndayishimiye Eric Bakame na Nzarora Marcel

Ba myugariro: Rusheshangoga Michel, Imanishimwe Emmanuel, Ndayishimiye Celestin, Usengimana Faustin, Manzi Thierry, Munezero Fiston na Kayumba Soter.

Abakina hagati: Mugiraneza Jean Baptiste, Niyonzima Haruna, Hakizimana Muhadjiri, Bizimana Djihad, Nshuti Dominique Savio na Innocent Habyarimana.

Abataha izamu: Usengimana Danny, Tuyisenge Jacques na Sugira Ernest

Ally Niyonzima kubera abakinnyi ahanganiye nabo umwanya hagati mu kibuga ashobora gusigara
Buteera Andrew (iburyo) ari mu bakinnyi bashobora kutajya muri Ghana
Ndoli Jean Claude (iburyo) ashobora gusigara nubwo ari mu bakinnyi bakoranye imyitozo ishyaka
Rugwiro Herve (imbere) na Twizerimana Onesme (umukurikiye) bose bashobora kutagaragara ku rutonde rw'abazakina na Ghana
Yannick Mukunzi (ibumoso) afite ikibazo cy'imvune mu ivi gishobora gutuma asigara

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved